LUKASI 7:29 - Ha`bari Ndjema ya I Maore

²⁹ Piya uwatru wamukia, ata maliv̄isa-latete|muliv̄isa-latete, wakuɓali amba Mungu wa haki; waidhiɓitisha ha uɓaĩshiwa umuɓaĩsho wa Yahaya.

LUKASI 7:29 ပူးပေါင်းရင်းမြစ်များ

MATIYO 5:46

Neka musuv̄endza ɗe wao wamuv̄endzaoni, thawaɓu trini ɗe muilindrao? Hali maliv̄isa-latete|muliv̄isa-latete, kawafanya wajau namuna iyo?

LUKASI 20:6

Na neka risudjiɓu amba ɗe ha uwanadamu, piya idunia itsoriangamidza ha mawe, mana wawafiku amba Yahaya aka mutrume.»

LUKASI 3:12

V̄ale tsena v̄umujilia maliv̄isa-latete, ile waɓaĩshiwe ha maji. Wamudzisa: «Fundi, wasi rifanye trini?»

LUKASI 7:28

Ɓasi nisumuambiani, hari mwa wao wadzalwa na wamayawo, kav̄u muɓole rahana Yahaya. Ɓadi mutru alio amba ɗe muv̄ungufu hari mwa uUtawalizi wa Mungu, uwo muɓole rahana waye.»

LUKASI 7:35

Ɓadi ihikima ya Mungu idhiɓitishiwa amba ndjema na piya wao waikuɓali.»

MAV̄INGIZI-RISALA 18:25

Aka asomedzewa uhusuana na indzia ya Raɓi, tsena ha djitihadi ɓole akojudza na usomedza ha namuna yarahara trongo zamuhusu Insa, ɓadi akojua tu ɗe umuɓaĩsho wa Yahaya|Yahaya Muɓaĩshizi.

MAV̄INGIZI-RISALA 19:3

Awadzisa raha: «Muɓaĩsho trini ɗe mwaupara ɓasi?» Wamudjiɓu: «uMuɓaĩsho wa Yahaya|Yahaya Muɓaĩshizi.»

MAROMU 10:3

Ha iv̄o kawasujua uhaki ulawao ha Mungu, na iv̄o watsahao wadzipariye wao wenyewe uhaki, kawakuɓali indzia yahetsiwa ya umuhakisho wa Mungu.

MUV̄ENULIO 15:3

Wakohimba lidjimbo la Musa, umurumishi wa Mungu, na lidjimbo la uMwana Ɓariɓari: «Zitrendro zaho ɓole zendza ãdjaɓu, Mola Mungu, Monyewe ushindzi. Ndzia zaho za haki, tsena za kweli, wawe uMufalume wa zinishani.

MUV̄ENULIO 16:5

Wakati ule tsikia imalayika ya yamaji irongoa: «Wawe wa haki, wawe ulio, tsena waka, wawe uMutwaharifu, iv̄o wanamua namuna iyo.