LUKASI 7:22 - Ha`bari Ndjema ya I Maore

²² Ɓas, sa ile Insa awaambia: «Namwendre mwamuambiye Yahaya izo mwaziona na uzikia. Wafa-matso wasuona, magoɓo yarengelea uendra, waenefu watwaharishiwa, wafa-makio wasukia, wafu wasuregezewa hayi, na iHaɓari Ndjema isujudziwa ha zimasikini.

LUKASI 7:22 ပူးပေါင်းရင်းမြစ်များ

MATIYO 11:5

wafa-matso wasuona, magoɓo yasurengelea uendra, waenefu wasutwaharishiha, wafa-makio wasukia, wafu wasuregezewa hayi, na iHaɓari Ndjema isujudziwa zimasikini.

MATIYO 21:14

Wakati ule v̄umujilia wafa-matso na magoɓo moni na iNyumba Ndzitwaharifu ile, na waye awazihira.

LUKASI 4:18

«iRoho ya Mola ya ju langu, mana anitsahua nijudze Haɓari Ndjema ha zimasikini. Aniv̄eleha [nizihire wao waliona utungu wa roho], nijudze uwokovu ha wao walio ngweni na ha uwafa-matso amba watsoregea waone, niwokowe wao watreswao,

LUKASI 7:21

Na wakati ɗe uwo ule, Insa azihira watru wengi wendza mawaɗe, wendza zifeli, wendza madjini ya peu, tsena wafa-matso wengi awazihira waone.

LUKASI 7:23

Tsena furaha ha uwo tsarendreha siɓaɓu ya waye ukwala.»

YUHANI 1:46

Ɓas, Natanaeli amudzisa: «Hali v̄utsoshindra v̄ulawe trongo ndzuzuri Nazareti?» Filiɓusa amudjiɓu: «Ko uone.»

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAV̄INGIZI-RISALA 8:7

Mana madjini ya peu yakolawa ha watru wengi ha ulatsa keme ha nguvu, amwesa wengi wa zirewe na wendza zifeli wakozihiriwa.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?