LUKASI 6:6 - Ha`bari Ndjema ya I Maore

⁶ V̄uka tsena Suku ya Uv̄umuzi yangina, Insa angia moni na iNyumba ya Uswali, akosomedza. Moni hule v̄uka mutru aka afa umuhono wa hume.

LUKASI 6:6 ပူးပေါင်းရင်းမြစ်များ

MATIYO 4:23

Insa akov̄ira hari mwa piya iGalilaya ha usomedza moni na ziNyumba za Uswali, na ujudza iHaɓari Ndjema ya Utawalizi wa Mungu; tsena akozihira kula uwaɗe na shifeli watru wakanazo.

LUKASI 13:10

V̄uka Suku ya Uv̄umuzi, Insa akosomedza moni mwa Nyumba ya Uswali.

LUKASI 14:3

Ɓas, Insa arenge umurongo, aambia mataãlamu wa Sharia na yaMafarisayo: «Hali iruhusiwa mutru uzihira Suku ya Uv̄umuzi, au kayaruhusiwa?»

LUKASI 4:16

Ɓas, Insa awaswili Nazareti, v̄ahanu alelesheha. Ha uɗunga udzevu wahe, angia moni na iNyumba ya Uswali iSuku ya Uv̄umuzi. Uhima yahe asome,

LUKASI 4:31

Ulawa v̄ale, Insa ashuku Kafarnaumu ɗago la Galilaya, akosomedza watru iSuku ya Uv̄umuzi.

LUKASI 6:1

V̄uka suku, iSuku ya Uv̄umuzi [yakohiriwa ya v̄ili ya wa handra], Insa akov̄ira hari mwa mindra ya murama-mutsa. Maswihaɓa yahe yakov̄arwa wana make na uyaɗya, ɓaanda wayakitsa mihononi.

LUKASI 6:5

Amwesa awaambia: «uMwana wa Mwanadamu ɗe Monyewe iSuku ya Uv̄umuzi.»

YUHANI 5:3

Maɓarazani v̄ale v̄uka v̄ulala wengi wa wawaɗe, wafa-matso, magoɓo, na zirewe; [na wao wakolindra mugudzuho wa yamaji.

YUHANI 9:16

V̄ale ɓaãdhwi ya Mafarisayo yarongoa: «Mutru uwo kala ha Mungu, mana kasustehi iSuku ya Uv̄umuzi.» Ɓadi wangina warongoa: «Ha namuna jeje muãswifu ashindrao afanye ãlama za midjuza mauri ɗe zizo?» Ɓas, mufaraka ungia hari mwawo.