LUKASI 6:45 - Ha`bari Ndjema ya I Maore

⁴⁵ Mutru mwema utoa trongo ndjema zalawa hari mwa idafine ya rohoni hahe, na umovu utoa zimbovu zilio rohoni hahe. Mana zajaya moni na umo wa mwanadamu, ɗe zilawao hanyoni hahe.»

LUKASI 6:45 ပူးပေါင်းရင်းမြစ်များ

YUHANI 7:38

Mutru aniaminio, mauri ɗe inamuna uMuangishio urongoao: ‹Miro ya maji yiv̄ingao uhayati yitsoshuka ulawa moni hahe› ».

MAV̄INGIZI-RISALA 5:3

Sa ile Monye amuambia: «Hananiya, manatrini Shetwani ahungia rohoni haho, ata walaɓa iRoho Ndzitwaharifu ha usika fungu la ikima ya lishamba?

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAEFESO 4:29

Hanyoni hanyu v̄usulawe ata urongozi movu, ɓadi urongozi mwema utsoshindrao wakati walazimu, ufayidishe na uv̄ingia rehema wao waukiao.

MAEFESO 5:19

Namulaguliane ha ngutende, na madjimbo ya sifa, na himbo za shiroho. Namuhimbe na umusifu Mola ha piya ziroho zanyu.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

MAKOLOSIYA 4:6

Ha daima marongozi yanyu nayake yendza neema, tsena yendza ladha, ile mujuwe namuna yalazimu mudjiɓu kula mutru.

MAHEƁRANIYA 8:10

Ne ɗe tsunu umukataɓa nitsoufungao na umuraɓa wa Israila ɓaanda ya suku zizo, asurongoa Mola. Nitsotria Sharia zangu fikirani hawo, nitsoziangiha rohoni hawo. Nitsoka Mungu wawo, amwesa watsoka umati wangu.

YUDA 1:15

ile afanye hukuma kinyume na piya wanadamu, na uv̄enulia uwaovu piya zitrendrwa mbovu zawo na piya marongozi ya shilihidzo maãswifu mashirikina wayarongoa kinyume na waye.»