LUKASI 6:26 - Ha`bari Ndjema ya I Maore

²⁶ Maondo ha wanyu neka piya watru wasumusifuni, mana ɗe ha inamuna iyo ɗe wadzaɗe wawo wakofanyia yimitrume ya trambo.»

LUKASI 6:26 ပူးပေါင်းရင်းမြစ်များ

MATIYO 7:15

«Namudzifahamishe na watru wa trambo wadzifanyao amba washukidziwa marongozi; wao umujiliani ha sura za maɓariɓari matrulivu, ɓadi moni hawo, wao wahali mauri mbwa nyeha.

LUKASI 6:25

Maondo ha wanyu mwakura av̄asa, mana mutsokana ndza. Maondo ha wanyu mutsehao av̄asa, mana mutsosikitiha na ulila.

YUHANI 15:19

Na djeli muka wa lidunia, lidunia latsomuv̄endzani amba wa wilo. Na wanyu tsi wa lidunia, ɓadi tsimutsahuani hari mwa lidunia; iyo ɗe imana ata lidunia limuengaoni.

YUHANI 7:7

Dunia kalishindri muengani, ɓadi wami, lilo unienga, mana nisulilawia ushahidi amba zitrendro zalo za peu.

MAROMU 16:18

Mana watru mauri ɗe wao kawasumurumishia Raɓi watru Kristi, ɓadi ɗe zimimba zawo. Ha marongozi mema yendza sifa, wao udanganya ziroho za wao kawafikiri.

YAKOƁU 4:4

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.