LUKASI 5:34 - Ha`bari Ndjema ya I Maore

³⁴ Ɓas, awadjiɓu: «Hali wanyu ushindra ufungisa wandzani wa ɓwana-harusi wakati alio na wao?

LUKASI 5:34 ပူးပေါင်းရင်းမြစ်များ

MATIYO 22:2

«Utawalizi wa Monyewe ziMbingu ujua ufanishihe na mufalume akofanya karamu ya ndrolo ya mwana wahe mutruɓaɓa.

MATIYO 9:15

Insa awadjiɓu: «Hali wadjeni wa harusi, wao ukiri ukana huzuni ɓwana-harusi amoka v̄umoja na wao? Ata hata! Ɓadi v̄utsoja suku amba watsorengewa ɓwana-harusi, na v̄av̄o ɗe watsofungao.

LUKASI 5:33

Suku, watru wamuambia Insa: «Maswihaɓa ya Yahaya na ya ishama ya Mafarisayo ufunga na uswali wakati mwengi, ɓadi yaho maswihaɓa yasuɗya na unwa.»

LUKASI 5:35

V̄utsoja suku amba watsorengewa ɓwana-harusi; v̄av̄o watsofunga suku zizo.»

YUHANI 3:29

Monyewe umushe-harusi, ɗe ɓwana-harusi. Ɓadi mwandzani wa ɓwana-harusi alio ɓavuni, amukiao, ujiv̄iwa na ufurahi na liji la ɓwana-harusi. Ɓasi furaha ini ilio yangu, av̄asa ikamiliha.

2 MAKORINTIYO 11:2

Tsina uwivu na wanyu, uwivu wa shi Mungu, mana tsimurumidziani mutrumume moja, ne ɗe Kristi, ile nimuv̄ingeni mbeli zahe amba mutrumushe-mwanamutsa arahara.