LUKASI 4:8 - Ha`bari Ndjema ya I Maore

⁸ Ɓadi Insa amudjiɓu: «V̄uangihwa: ‹Utsomuãɓudu Mwalaho Monyezi-Mungu, tsena umurumishiye waye weke.› »

LUKASI 4:8 ပူးပေါင်းရင်းမြစ်များ

MATIYO 16:23

Ɓadi Insa azingi, amuambia Monye: «Nilawiye mbeli zangu v̄anu Shetwani! Usutsaha unikwalise! Mana fikira zaho tsi ɗe za Mungu, ɓadi za wanadamu.»

MATIYO 4:10

Sa ile Insa amuambia: «Lawa v̄anu Shetwani! Mana v̄uangihwa: ‹Utsomuãɓudu Mwalaho Monyezi Mungu, na umurumishia ɗe waye tu ɓas.› »

LUKASI 4:4

Ɓadi Insa amudjiɓu: «V̄uangihwa: ‹Mwanadamu katsoẽshi ha dipe tu.› »

LUKASI 4:7

V̄av̄o neka unisudjudia ha uniãɓudu, zitsoka zaho piyazo.»

YAKOƁU 4:7

Ɓasi namudzituĩse Mungu, mumukanyushe Iɓilisa, na waye atsomutralani.

1 MONYE 5:9

Namumukanyushe ha udzihodarisha na uaminifu wanyu, mujuwe amba wananyanyu wa shi uaminifu duniani v̄anu uv̄irisiwa hari mwa matreso yao-yao.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MUV̄ENULIO 22:9

Ɓadi iniambia: «Usufanye trongo iyo! Wami murumishi munyaho, na wa wanyaho wao washukidziwa marongozi ya shi mutrume, na wao wasikao marongozi ya ishio ini. Muãɓudu ɗe Mungu!»