LUKASI 4:23 - Ha`bari Ndjema ya I Maore

²³ Insa awaambia: «Ɓila shaka mutsoniambia musimo unu: ‹Twaɓiɓu, dzizihire wawe monyewe.› Mutsoniambia tsena: ‹Trongo razikia wazifanya Kafarnaumu, zifanye murani haho v̄anu wajau.› »

LUKASI 4:23 ပူးပေါင်းရင်းမြစ်များ

MATIYO 13:54

Andre hari mwa liɗago lahe, akosomedza moni na iNyumba ya Uswali yawo, ha namuna amba watru waka v̄ale, wakoshanga ata wakodzisana: «Imulawia hav̄i hikima ini na midjuza zini?

MATIYO 4:13

Alawia iNazareti, andre aketsi Kafarnaumu, ɗago laka wangoni na iƁahari, mukaɓala wa Zaɓuluna na Nafutali.

MATIYO 4:23

Insa akov̄ira hari mwa piya iGalilaya ha usomedza moni na ziNyumba za Uswali, na ujudza iHaɓari Ndjema ya Utawalizi wa Mungu; tsena akozihira kula uwaɗe na shifeli watru wakanazo.

MARKUSI 6:1

Ɓas, Insa alawa v̄ale, andre hari mwa liɗago lahe, na maswihaɓa yahe yamuɗungu.

LUKASI 2:39

Wakati Yusufu na Mariama watsimidza piya izo zakotsahwa na iSharia ya Mola, waregea Galilaya, ɗagoni hawo Nazareti.

LUKASI 2:51

Amwesa awaɗungu, washuku Nazareti, na waye akowatuĩ. Mayahe asiki piya trongo zile rohoni.

LUKASI 4:16

Ɓas, Insa awaswili Nazareti, v̄ahanu alelesheha. Ha uɗunga udzevu wahe, angia moni na iNyumba ya Uswali iSuku ya Uv̄umuzi. Uhima yahe asome,

LUKASI 4:31

Ulawa v̄ale, Insa ashuku Kafarnaumu ɗago la Galilaya, akosomedza watru iSuku ya Uv̄umuzi.

LUKASI 4:35

Sa ile ha ji mangavu Insa amuãmurisha: «Ɓuriha, ulawiye mutru uwo!» Ɓas, shetwani ile imuvutsu hari-hari na idunia ile, amwesa imuɓaushia ɓila umuhodza.

LUKASI 6:42

Au ha namuna jeje ushindrao umuambiye munyaho: ‹Mwananyangu, nilishe nihutoleye lisaha lilio dzitsoni haho›, wakati ulio amba kusuona umongo ulio moni na laho dzitso? Wawe munafiki, toa raɓuzi umongo ulio dzitsoni haho, v̄av̄o utsoona fetre utowe lisaha lilio dzitsoni ha munyaho.»

YUHANI 4:28

Ɓas, mutrumama ule alishi mutsungi wa maji wahe v̄ale, andre ɗagoni, aambia watru:

2 MAKORINTIYO 5:16

Ha izo rangu v̄anu, karisuangalia atsokao yotsi ha shiuɓinadamu. Wala ukana rakomuangalia Kristi ha shiuɓinadamu, av̄asa karisumuangalia tsena namuna ile.