LUKASI 4:15 - Ha`bari Ndjema ya I Maore

¹⁵ Akosomedza moni na ziNyumba za Uswali, na waye akosifiwa na watru piya.

LUKASI 4:15 ပူးပေါင်းရင်းမြစ်များ

MATIYO 13:54

Andre hari mwa liɗago lahe, akosomedza moni na iNyumba ya Uswali yawo, ha namuna amba watru waka v̄ale, wakoshanga ata wakodzisana: «Imulawia hav̄i hikima ini na midjuza zini?

MATIYO 4:23

Insa akov̄ira hari mwa piya iGalilaya ha usomedza moni na ziNyumba za Uswali, na ujudza iHaɓari Ndjema ya Utawalizi wa Mungu; tsena akozihira kula uwaɗe na shifeli watru wakanazo.

MATIYO 9:35

Insa akov̄iria piya yamalago maɓole na matiti na usomedza moni na ziNyumba za Uswali zawo. Akojudza iHaɓari Ndjema ya Utawalizi wa Mungu, na uzihira kula uwaɗe, na zifeli za kula namuna.

MATIYO 9:8

Wakati idunia yaona trongo zile, ingiliwa na faza, tsena yakomutukuza Mungu, iv̄o av̄a wanadamu yezi mauri ɗe ile.

MARKUSI 1:27

Piya watru wasikwa na ushangavu, ata wakodzisana: «Ini trongo trini? Musomo muv̄ia! Asuãmurisha ha yezi ata madjini ya peu, na yao yasumutuĩ!»

MARKUSI 1:39

Ɓas, andre aĩdhia moni na ziNyumba za Uswali hari mwa piya iGalilaya, tsena atowo mazetwani.

MARKUSI 1:45

Ɓadi mutru ule alawa, aandrisojudza kula v̄ahanu itrongo, na uenedza zihaɓari, ha namuna amba Insa kakoshindra tsena ungia ha hadhwira hari mwa ɗago, ɓadi akoɓaki tu v̄ondze hari mwa mikaɓala yatengeha, na watru wakomujilia ulawa kula v̄ahali.

LUKASI 13:10

V̄uka Suku ya Uv̄umuzi, Insa akosomedza moni mwa Nyumba ya Uswali.

LUKASI 4:16

Ɓas, Insa awaswili Nazareti, v̄ahanu alelesheha. Ha uɗunga udzevu wahe, angia moni na iNyumba ya Uswali iSuku ya Uv̄umuzi. Uhima yahe asome,