LUKASI 24:52 - Ha`bari Ndjema ya I Maore

⁵² Na wao ɓaanda wamuãɓudu, waregea Yerusalemu na furaha ɓole.

LUKASI 24:52 ပူးပေါင်းရင်းမြစ်များ

MATIYO 28:17

Umuona yawo, wamusudjudia, ɓadi v̄wa wasalia wakana taradudu.

MATIYO 28:9

Sa na isa ile kamwe Insa aja awapara, awaambia: «Tsimusalimuni!» Ɓas, watruwashe wale watsengelea, wamusiki yimindru, amwesa wamusudjudia.

LUKASI 24:51

Ɓas wakati akowaɓariki v̄ale, awaɓaushia, ahedzewa andre pev̄oni.

LUKASI 24:53

Ha dahari-dahari wakoka moni na iNyumba Ndzitwaharifu ha [umusifu] na umutukuza Mungu.

YUHANI 14:28

Mukia amba tsimuambiani: ‹Wami nisendra dzangu, amwesa nitsomurudiani›. Neka musuniv̄endza, mutsofurahi iv̄o nendrao ha Ɓaɓa, mana Ɓaɓa muɓole rahana wami.

YUHANI 16:22

Wanyu wajau, av̄asa mwa hari mwa huzuni. Ɓadi nitsomuonani raha, na iroho yanyu itsofurahi, tsena ifuraha yanyu, kav̄u ata mutru atsoshindrao amutoleyeniyo.

YUHANI 16:7

Ɓadi nisumuambiani zikweli: ya ɓorwa hanyuju ya wami ulawa. Mana neka tsalawa, Musaidizi katsomujiliani; ɓadi neka nisendra, nitsomuv̄eleshedzeaniwo.

YUHANI 20:28

Sa ile Tomasi amudjiɓu: «Raɓi wangu, tsena Mungu wangu!»

MAV̄INGIZI-RISALA 1:12

Ɓas, waregea Yerusalemu ha ulawa hari mwa mulima uhiriwao Mulima wa Mizaituni waka kariɓu na iYerusalemu hari mwa mwendro wa shiv̄imo ya Suku ya Uv̄umuzi.

1 MONYE 1:8

alio amba kamwamuona, ɓadi wanyu umuv̄endza. Na ata av̄asa wala ukana kamusumuona, ne musumuamini, ata musungiliwa na furaha ndzitukufu kaieledzesheha,