LUKASI 24:47 - Ha`bari Ndjema ya I Maore

⁴⁷ Na itrongo ya uendra toɓa na yamadhambi yaswamihiwa, zilazimu zijudziwe ha lidzina lahe ha piya zinishani, uandrisa rangu Yerusalemu.

LUKASI 24:47 ပူးပေါင်းရင်းမြစ်များ

MATIYO 28:19

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu,

MATIYO 3:2

ha urongoa: «Namwendre toɓa, mana Utawalizi wa Monyewe ziMbingu, ukuruɓia.»

MATIYO 9:13

Namwendre mwasome imana ya urongozi unu: ‹Nisutsaha urehema, ɓadi tsi sadaka!› Wami v̄angu tsaja nahira warahara, ɓadi maãswifu.»

LUKASI 13:34

Yerusalemu, wawe Yerusalemu uulao yimitrume na uangamidza ha mawe wao wav̄eleshewawo! Ha mara ngav̄i natsaha ningulidze watru waho mauri kuhu ingulidzao wana wahe moni na maɓawa yahe, wala kamwakuɓali!

MAV̄INGIZI-RISALA 10:43

Piya yimitrume wasumulawia ushahidi amba mutru yotsi amuaminio, asupara ha lidzina lahe swamaha la yamadhambi.»

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MAV̄INGIZI-RISALA 13:46

Ɓas, ha dhwahiri Ɓaulusu na Ɓarnaɓasi wawaambia: «Ɗe hanyu kadimu ɗe yaka yalazimu Urongozi wa Mungu ujudziwe. Ɓadi rangu muuharao, amwesa mudzionao wanyu wenyewe amba kamwastahiki uhayati wa daima, ɓasi risulekedza ha zinishani zangina.

MAV̄INGIZI-RISALA 2:38

Monye awadjiɓu: «Namwendre toɓa, amwesa kula mutru hari mwanyu naɓaĩshiwe ha lidzina la Insa-Kristi, ile mupare muswamaha wa yamadhambi yanyu; v̄av̄o mutsodjaãliwa ineema ya iRoho Ndzitwaharifu.

MAV̄INGIZI-RISALA 20:21

ha uhira rangu yaMayahudi ata tsi Mayahudi, wazingise roho zawo ha Mungu na umuamini Raɓi watru Insa-Kristi.

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAV̄INGIZI-RISALA 26:20

Ɓadi ha uandrisa na uwakazi wa Damasko, waɗunga wa Yerusalemu na piya iYudeya, iv̄o ha zinishani zangina, tsijudza amba walazimu wandre toɓa, wazinge ha Mungu, warendre zitrendro zastahiki watru wandra toɓa.

MAV̄INGIZI-RISALA 28:28

Amwesa Ɓaulusu awaambia: «Ɓasi namujuwe amba ukombozi wa Mungu uwo uv̄elehwa ha watru wa zinishani zangina, na wao watsovulishia.» [

MAV̄INGIZI-RISALA 3:19

Ɓasi namwendre toɓa, muparane na Mungu, ile madhambi yanyu yazimwe,

MAV̄INGIZI-RISALA 4:12

Uhuyifu kausi ha mutru wangina atsokao yotsi, mana shiv̄andreju mwa tsi v̄anu kav̄usi dzina langina lav̄elehwa mbeli za wanadamu amba ha lilo ɗe ralazimu rihuyiwe.»

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

MAROMU 5:20

Na iSharia ingia, pare madhambi yazidi. Ɓadi v̄ahali ilio amba dhambi lizidishiha, ineema ya Mungu izidi uzidishiha,

MAEFESO 1:6

ha umusifio mutukufu wa irehema ilio amba aridjaãliayo hari mwa umuv̄endzewa wahe.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

1 YUHANI 2:12

Nisumuangishiani wana wangu, mana madhambi yanyu yaswamihiwa ha siɓaɓu ya lidzina lahe.