LUKASI 24:44 - Ha`bari Ndjema ya I Maore

⁴⁴ Amwesa awaambia: «Zini ɗe nakomuambianizo wakati raha naka v̄umoja na wanyu, amba piya trongo zanihusu zaangihwa moni mwa iSharia ya Musa, yimitrume na iZaɓuri, zilazimu zitsimidzihe.»

LUKASI 24:44 ပူးပေါင်းရင်းမြစ်များ

MATIYO 1:22

Piya zini zija ile itrongo ini yaka yarongolwa na Mola ha ndzia ya mutrume itsimidzihe:

MATIYO 16:21

Rangu v̄ale Insa aandrisa ujudza maswihaɓa yahe amba alazimu andre Yerusalemu, aondeshehe ha kusudi mihononi ha uwaɓole, ha yaMatolezi Maɓole ya Masadaka|Mutolezi-Masadaka, na ha yaMafundi ya Sharia, aulawe, na uregea hayi isuku ya raru.

MATIYO 26:54

Ɓasi v̄av̄o ha namuna jeje utsotsimidzihao uMuangishio Mutwaharifu urongoao amba ilazimu ike namuna iyo?»

MATIYO 26:56

Ɓadi piya zini zija, ile yimiangishio ya yimitrume yitsimidzihe.» Ɓas, piya maswihaɓa yamulishi, watrala.

MARKUSI 9:31

Mana akosomedza maswihaɓa yahe na uwaambia: «uMwana wa Mwanadamu atsov̄elehwa mihononi ha wanadamu; watsomuula, amwesa v̄wamov̄ira suku traru, atsoregea hayi.»

LUKASI 21:22

Mana zizo zitsoka suku za hadhaɓu ha umutsimidzio wa piya zaangihwa.

LUKASI 22:37

Mana nisumuambiani, urongozi unu waangihwa ilazimu utsimidzihe hanguju: ‹Aka ahisaɓiwa v̄umoja na warendrao mbovu.› Izo zaangihwa zapatana na wami, zisuja zitsimidzihe.»

LUKASI 24:46

Awaambia raha: «Tsizini zaangihwa: Kristi ilazimu aondeshehe, amwesa aregezewe hayi ha ulawa ufaju isuku ya raru.

LUKASI 9:22

Aengedza tsena: «Ilazimu uMwana wa Mwanadamu aondeshehe na trongo nyengi, aharwe na uwatru waɓole, yaMatolezi Maɓole ya Masadaka na yaMafundi ya Sharia, aulawe, ata isuku ya raru aregezewe hayi.»

LUKASI 9:44

«Ɓadi wanyu, namuvulishiye ha uzuri zini: uMwana wa Mwanadamu asondrov̄elehwa mihononi ha uwanadamu.»

YUHANI 3:14

Mauri ɗe inamuna Musa ahedza inyoha ya shaɓa padzaju, ɗe inamuna uMwana wa Mwanadamu alazimu ahedzewe wajau,

YUHANI 5:39

Wanyu utwali yiMiangishio Mitwaharifu mana musufikiri amba ha wiyo, muna uhayati mukamilifu wa daima. Ne ɗe wiyo-wiyo ɗe yinilawiao ushahidi.

YUHANI 5:46

Mana na djeli mwakomuamini Musa, mwatsoniamini, mana yahusu wami ɗe aangiha.

MAV̄INGIZI-RISALA 13:33

aritsimidziawo wasi wana wawo ha umuregeza hayi Insa, mauri ɗe inamuna yaangihwa moni na utende wa v̄ili: ‹Wawe Mwana wangu, ileo ini wami tsifanyiha Ɓaɓaho.›

MAV̄INGIZI-RISALA 13:40

Ɓasi ha izo, namudzitahadharishe mwasuparwe na itrongo ini yarongolwa na yimitrume:

MAV̄INGIZI-RISALA 2:27

Mana, kutsojeledza iroho yangu uzimu ha uwafu, wala kutsoruhusu Mutwaharifu waho aola.

MAV̄INGIZI-RISALA 3:18

Ɓadi ɗe ha inamuna iyo zitrongo Mungu aka azijudza rangu kaɓula ha yamarongozi ya piya yimitrume zitsimidziha, ne ɗe itrongo amba Kristi wahe aka alazimu aondeshehe.

MAV̄INGIZI-RISALA 7:37

Musa uwo ɗe aambia uwatru wa Israila: ‹Mungu atsomuv̄elesheani ulawa hanyuju mutrume mauri ɗe wami.›

MAHEƁRANIYA 10:1

Kweli amba iSharia isuv̄inga muvuli wa zindjema zijao, ɓadi tsi sura swafi-swafi ya trongo zizo. Iyo ɗe imana amba ata dahari kaisushindra ha masadaka yao-yao yatolewao v̄av̄o na v̄av̄o, mwaha ata mwaha, yarahatsisa ha ukamilifu wao wamukuruɓiao Mungu ha umuãɓudu.

MAHEƁRANIYA 3:5

Yahusu Musa waye, aka muaminifu hari mwa piya umuraɓa wa Mungu amba murumishi, alawiye ushahidi izo zakoja zirongoleshehe.

MAHEƁRANIYA 7:1

Melkisedeki unu aka mufalume wa Salemu, amwesa Mutolezi-Masadaka wa Mungu, Monyewe Uju rahana Uju. Andre amupara Iɓrahima alio amba akoregea ulawa kondroni kinyume na wafalume aka awashindra, amwesa amuɓariki.

MAHEƁRANIYA 9:8

Ha izo, iRoho Ndzitwaharifu yakoonesa amba indzia yakov̄inga moni na liPa Dzitwaharifu rahana Dzitwaharifu raha kayaka yaɓuha, pindri iNyumba Ndzitwaharifu ya Haima|Nyumba Ndzitwaharifu ya Haima ilio v̄av̄o.

1 MONYE 1:11

Wakozunguha wajuwe amba wakati trini, na ha namuna jeje zitsohidjirio zitrongo zarongolwa na iRoho ya Kristi yaka hawoju, Roho ilio amba ijudza rangu kaɓula matungu ya Kristi na utukufu wakoja uɗunge v̄av̄o.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»