LUKASI 24:25 - Ha`bari Ndjema ya I Maore

²⁵ Sa ile Insa awaambia: «He wanyu kamuna ãkili muliona roho ndziro za uamini piya izo zarongolwa na yimitrume!

LUKASI 24:25 ပူးပေါင်းရင်းမြစ်များ

MATIYO 26:24

uMwana wa Mwanadamu asendra dzahe ha uɗunga izo zaangihwa na waye, ɓadi maondo ha uwo av̄iriao nyuma uMwana wa Mwanadamu! Hairi na djeli mutru uwo kaka adzalwa!»

MARKUSI 16:14

Mwisoni av̄enushia kumi na moja wale wakati waka mezaju wakoɗya. Awarudi iv̄o kawaamini, na ha uangavu wa roho wawo, mana kawaamini wale wamuona amba aregezewa hayi.

MARKUSI 7:18

Ɓas, awaambia: «Wanyu ne kamusushindra mwaelewa? Kamusuelewa amba kav̄usi yotsi ilio v̄ondze ha mutru ishindrao imunagisi yamongia moni hahe?

MARKUSI 9:19

Ɓasi Insa awaambia: «He wanyu wa lidunia la leo lini kamuna uaminifu! Ata lini nitsokao na wanyu? Ata lini tsena ɗe nitsomustahamilioni? Namuniv̄ingiyewo.»

LUKASI 24:24

Ɓaãdhwi ya watru waka v̄umoja na wasi wandre kaɓurini hule, amwesa wapara zitrongo mauri ɗe inamuna watruwashe wale waka wazirongoa; ɓadi waye, kawamuona.»

YUHANI 5:39

Wanyu utwali yiMiangishio Mitwaharifu mana musufikiri amba ha wiyo, muna uhayati mukamilifu wa daima. Ne ɗe wiyo-wiyo ɗe yinilawiao ushahidi.

1 MAKORINTIYO 15:3

Mana kaɓula ya trongo piya, tsimuv̄ani izo nazipara wami-wami, ne ɗe amba: Kristi afu ha siɓaɓu ya madhambi yatru, mauri ɗe iheli yiMiangishio Mitwaharifu yarongoa.