LUKASI 22:52 - Ha`bari Ndjema ya I Maore

⁵² Amwesa Insa aambia raha yaMatolezi Maɓole ya Masadaka, na zitswa wa yamagogezi wa iNyumba Ndzitwaharifu, na uwatru waɓole waka wamujilia ile wamuziye: «Afa munijilia ha upanga na mipweke, mauri wami mutru wa hatwari?

LUKASI 22:52 ပူးပေါင်းရင်းမြစ်များ

MATIYO 26:47

V̄ale Insa raha akolagua na Yudasi, moja hari mwa kumi na waili wale, awaswili. Aka aɗungana na dunia nyengi yaka yav̄inga ngupanga na mipweke, yaka yav̄elehwa na yaMatolezi Maɓole ya Masadaka na waɓole wa yaMayahudi.

MATIYO 26:55

Sa ile Insa aambia dunia ile: «Muja muniziye ha ngupanga na mipweke, mauri wami mutru wa hatwari. Kula suku nakoketsi moni na iNyumba Ndzitwaharifu, nakosomedza, wala kamwanizia.

LUKASI 22:37

Mana nisumuambiani, urongozi unu waangihwa ilazimu utsimidzihe hanguju: ‹Aka ahisaɓiwa v̄umoja na warendrao mbovu.› Izo zaangihwa zapatana na wami, zisuja zitsimidzihe.»

LUKASI 22:4

Ɓas, Yudasi andre aafikiana na yaMatolezi Maɓole ya Masadaka na zitswa wa yamagogezi inamuna ya umuv̄eleha mihononi hawo.

LUKASI 22:51

Ɓadi Insa arenge umurongo, arongoa: «Ɓas, namuziye iv̄o!» Sa ile asiki likio la mutru ule, amuzihira.

LUKASI 22:53

Kula suku nakoka na wanyu moni mwa iNyumba Ndzitwaharifu, wala kamwanisika. Ɓadi unu ɗe wakati wanyu, na wa ushindzi wa ishidza.»

YUHANI 17:12

Wakati naka v̄umoja na wao, nakowasika moni na lidzina laho, lilo waniv̄alo. Tsiwahifadhwi, na kav̄u ata moja hari mwawo apotea neka tsi ɗe umwana wa upotevu, ile uMuangishio utsimidzihe.

MAV̄INGIZI-RISALA 5:26

Ɓas, shitswa wa yamagogezi na watru wahe wandre wawarenge, wala tsi ha fidjo, mana wakoria idunia isuje yawaangamidza ha mawe.