LUKASI 20:38 - Ha`bari Ndjema ya I Maore

³⁸ Ɓasi Mungu, waye tsi Mungu wa uwafu, ɓadi wa wao walio hayi. Mana haheju, piya watru wa hayi.»

LUKASI 20:38 ပူးပေါင်းရင်းမြစ်များ

MATIYO 22:32

‹Wami ɗe Mungu wa Iɓrahima, Mungu wa Isiaka, na Mungu wa Yaãkuɓu.› Ha izo, Mungu tsi Mungu wa uwafu, ɓadi wa walio hayi.»

MARKUSI 12:27

Ɓasi Mungu waye tsi Mungu wa watru wafa, ɓadi wa watru walio hayi. Wanyu mulatsiha halisi!»

LUKASI 20:39

Ɓaãdhwi ya Mafundi ya Sharia wamuambia: «Fundi, urongoa ha uzuri.»

YUHANI 14:19

Muda mushashi ɗe waɓaki, na ulemengu kautsoniona tsena, ɓadi wanyu mutsoniona. Iv̄o nilio hayi, wanyu wajau mutsoka hayi.

YUHANI 6:57

Mauri ɗe inamuna Ɓaɓa alio hayi aniv̄eleha, tsena niẽshio ha waye Ɓaɓa, mutru aniɗyao, atsoẽshi ha iwami.

2 MAKORINTIYO 13:4

Mana kweli amba aulawa ha uremwa mizumari muriju mwa pawa|muri wa pawa hari mwa ulemevu wahe, ɓadi a hayi ha ushindzi wa Mungu. Wasi wajau ra walemevu ha uv̄umoja watru na waye, ɓadi ritsoẽshi v̄umoja na waye ha ushindzi wa Mungu hari mwanyu.

2 MAKORINTIYO 6:16

Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

MAHEƁRANIYA 11:16

Ɓadi hususwani wakotsaha v̄ahanu v̄ulio ɓorwa, yaãni v̄wa shipev̄oni. Iyo ɗe imana ata Mungu kaono haya uhiriwa Mungu wawo, mana awatayarishia ɗago.

MUV̄ENULIO 22:1

Amwesa inionesa muro wa maji ya uhayati, yakov̄ev̄ena mauri ɓwe lihiriwao kristali, yakolawa shiriju mwa ufalume wa Mungu na wa uMwana Ɓariɓari.