LUKASI 20:14 - Ha`bari Ndjema ya I Maore

¹⁴ Ɓadi wakati walimizi wale wamuona, waambiana wao na wao: ‹Tsunu monyewe atsowarithio. Narimuule, ile umwaratha uke watru.›

LUKASI 20:14 ပူးပေါင်းရင်းမြစ်များ

MATIYO 16:7

V̄ale maswihaɓa waambiana: «Ɗe iv̄o karav̄inga madipe.»

MATIYO 21:25

Muɓaĩsho *Yahaya akofanya, uka ulawia hav̄i? Ha Monyewe ziMbingu, au ha wanadamu?» Ɓadi wakolana shuara wao na wao ha urongoa: «Neka ridjiɓu: ‹Mbinguni›, atsoriambia: ‹Manatrini ɓasi ata kamwamuamini?›

MATIYO 21:34

Wakati wa mavuna wamowaswili, av̄eleha warumizi wahe ha uwalimizi wale, wandre warenge ushuru wahe.

LUKASI 19:47

Akosomedza kula suku moni na iNyumba Ndzitwaharifu. Na v̄ale yaMatolezi Maɓole ya Masadaka, yaMafundi ya Sharia, na uwaɓole wa umati ule wakozunguha ndzia wamuule.

LUKASI 20:13

Ɓas, monyewe lishamba arongoa: ‹V̄anu nifanye trini? Nitsov̄eleha mwana wangu nimuv̄endzao. Laɓuda watsomustehi.›

LUKASI 20:15

Ɓas, wamutowo v̄ondze na lishamba la mizaɓiɓu, wamuula. Ẽhẽ av̄asav̄anu monyewe shamba atsowafanyia trini?

LUKASI 20:19

Matolezi Maɓole ya Masadaka na Mafundi ya Sharia wakozunguha ndzia ya umusika wakati ɗe uwo ule kamwe, ɓadi wakoria idunia. Waka waelewa amba ɗe ha siɓaɓu ya wao ɗe Insa arongoa mufano ule.

LUKASI 20:5

Ɓadi v̄ale waambiana wao na wao: «Neka ridjiɓu amba ɗe ha Monyewe zimbingu, atsoridzisa: ‹Manatrini kamwamuamini?›

LUKASI 22:2

yaMatolezi Maɓole ya Masadaka, na yaMafundi ya Sharia wakotsaha wapare ndzia ya umuula Insa, mana wakoria idunia.

MAV̄INGIZI-RISALA 2:23

Mutru uwo atrilwa mihononi hanyu ha uɗunga izo zaka zahetsiwa na Mungu, zilio amba akozijua rangu kaɓula; na wanyu mumuulu ha yimihono ya watru waovu, mumureme mizumari hari mwa muri wa pawa.

MAV̄INGIZI-RISALA 3:15

Muulu likoho la uhayati, Monyewe uka amba Mungu amuregeza hayi ha ulawia ufa, na wasi ra mazahidi.

MAROMU 8:17

Na ha iv̄o rilio wana, ra wajau hari mwa umwaratha: warithishiwa wa Mungu, tsena hari mwa ushirika wa mwaratha v̄umoja na Kristi, neka kweli risuondesheha v̄umoja na waye, ile ritukuzihe wajau v̄umoja na waye.

MAHEƁRANIYA 1:2

ɓadi hari mwa zisuku za mwiso zini, alagua na wasi ha ndzia ya Mwana wahe, alio amba amufanya muarithi wa piya, na ha waye ɗe aumba ulemengu kamili.