LUKASI 2:38 - Ha`bari Ndjema ya I Maore

³⁸ Wakati ɗe uwo ule, angia v̄ale wajau, akomutukuza Mungu na umurongoa Insa ha piya wale wakolindra ukombozi wa Yerusalemu.

LUKASI 2:38 ပူးပေါင်းရင်းမြစ်များ

MARKUSI 15:43

Yusufu wa shi Arimatiya awaswili. Aka mwanashama akostehiwa wa uMungulidzano wa Waɓole, tsena, waye wajau akolindra Utawalizi wa Mungu. Asuɓutu andre ha Ɓilatusa, amia umwili wa Insa.

LUKASI 1:68

«Natukuziwe Mola Mungu wa Israila, mana aja aono na ukomboa umati wahe,

LUKASI 2:25

Na v̄ale v̄uka mutru ɗagoni Yerusalemu akohiriwa Simeona; aka mutru mutuĩvu mwendza djitihadi na zitrongo za Mungu, amwesa akositamia ukombozi wa Israila; tsena iRoho Ndzitwaharifu ika na waye.

LUKASI 2:36

V̄uka tsena ɓweni mutrume akohiriwa Hanati, mwana wa Fanueli, wa udjama wa Ashura. Akana maha mengi halisi, tsena aka aẽshi maha saɓa na mume wahe amulola mwanamutsa.

LUKASI 23:51

Waye kaka akuɓali zifikira na zitrendrwa za wanyahe; aka wa shi Arimatiya, ɗago la Mayahudi, na waye akolindra Utawalizi wa Mungu.

LUKASI 24:21

Na wasi rakotumaini amba waye ɗe atsokomboao iIsraila. Ɓaanda ya v̄av̄o, leo suku ya raru rangu trongo zizo piya zahidjiri.

2 MAKORINTIYO 9:15

Mungu nahimidiwe ha ineema kaina mufano yahe.

MAEFESO 1:3

Naɓarikishihe Mungu amma Ɓaɓa wa Raɓi watru Insa-Kristi, ariɓarikisha kula muɓarikisho wa roho wa shimbinguni, hari mwa uv̄umoja na Kristi.