LUKASI 19:47 - Ha`bari Ndjema ya I Maore

⁴⁷ Akosomedza kula suku moni na iNyumba Ndzitwaharifu. Na v̄ale yaMatolezi Maɓole ya Masadaka, yaMafundi ya Sharia, na uwaɓole wa umati ule wakozunguha ndzia wamuule.

LUKASI 19:47 ပူးပေါင်းရင်းမြစ်များ

MATIYO 21:23

Insa angia moni na iNyumba Ndzitwaharifu na wakati akosomedza v̄ale, yaMatolezi Maɓole ya Masadaka, na waɓole wa idjama waja wamuambia: «Ha yezi trini ɗe ufanyao trongo zini? Mbani ɗe ahuv̄a yezi iyo?»

MATIYO 26:55

Sa ile Insa aambia dunia ile: «Muja muniziye ha ngupanga na mipweke, mauri wami mutru wa hatwari. Kula suku nakoketsi moni na iNyumba Ndzitwaharifu, nakosomedza, wala kamwanizia.

MARKUSI 11:18

Matolezi Maɓole ya Masadaka|Mutolezi-Masadaka na yaMafundi ya Sharia ukia yawo trongo zile, wakozunguha ndzia ya umuula, mana wakomuria, iv̄o watru piya wakotaãdjaɓu na yimisomo yahe.

MARKUSI 12:12

Ɓasi v̄ale waɓole wa dini wakotsaha wamuziye Insa, ɓadi wakoria idunia. Waka waelewa amba ɗe kinyume na wao, ɗe aka arongoa mufano ule. Ɓas wamulishi, wandre dzawo.

MARKUSI 14:1

Suku mbili kaɓula ya Unahanizi wa Mutupio|unahanizi na uMusherehio wa Madipe kayatrilwa Lalive, yaMatolezi Maɓole ya Masadaka na yaMafundi ya Sharia, wakopanga ndzia ya umusika Insa ha udjandja, wamuule.

MARKUSI 14:49

Kula suku nakoka na wanyu, nakosomedza moni na iNyumba Ndzitwaharifu, wala kamwanizia. Ɓadi zini, pare uMuangishio Mutwaharifu utsimidzihe.»

LUKASI 19:48

Ɓadi kawakojua hali ya ufanya, mana wanadamu piya wakomuvulishia na ustamiyivu muɓole.

LUKASI 20:19

Matolezi Maɓole ya Masadaka na Mafundi ya Sharia wakozunguha ndzia ya umusika wakati ɗe uwo ule kamwe, ɓadi wakoria idunia. Waka waelewa amba ɗe ha siɓaɓu ya wao ɗe Insa arongoa mufano ule.

YUHANI 10:39

Ɓas, v̄ale wakodjereɓu tsena umuzia, ɓadi awalawia mihononi hawo.

YUHANI 18:20

Insa amudjiɓu: «Tsilagua ha hadhwira na idunia. Ha dahari nakosomedza moni na Nyumba ya Uswali, na iNyumba Ndzitwaharifu, v̄ahanu piya Mayahudi yangulidzanao, tsena tsarongoa ata trongo sirini.

YUHANI 7:19

Hali Musa kamuv̄ani iSharia? Na kav̄u ata moja hanyuju aɗungao iSharia. Manatrini mutsahao muniule?»

YUHANI 7:44

Ɓaãdhwi yawo wakotsaha wamuziye, ɓadi kav̄waka ata mutru av̄eleha umuhono amusike.