LUKASI 18:13 - Ha`bari Ndjema ya I Maore

¹³ Ɓadi muliv̄isa-latete ule alimbala mbali, kakosuɓutu ata udzua yamatso mbinguni. Akodzirema ishifuɓa ha huzuni na urongoa: ‹Mwalangu, niv̄orehe, wami muãswifu.›

LUKASI 18:13 ပူးပေါင်းရင်းမြစ်များ

MATIYO 10:3

Filiɓusa na Ɓartolomayo; Tomasi na Matiyo, umuliv̄isa-latete|muliv̄isa-latete; Yakoɓu mwana wa Halifa, na Tadu;

MATIYO 6:5

«Mwamofanya mamilio, musufanye mauri ɗe uwanafiki wav̄endzao umia ha ulimbala moni na ziNyumba za Uswali na hari mwa zinia-traru pare wanadamu wawaone. Nisumuambiani ha kweli, v̄ale kamwe wapara thawaɓu zawo.

MATIYO 9:13

Namwendre mwasome imana ya urongozi unu: ‹Nisutsaha urehema, ɓadi tsi sadaka!› Wami v̄angu tsaja nahira warahara, ɓadi maãswifu.»

MARKUSI 11:25

Na neka musuhima mufanye mamilio, ne muna trongo kinyume na mutru, namumuswamihi, ile Ɓaɓanyu alio mbinguni amuswamihini mahosa yanyu wajau. [

LUKASI 17:12

Ungia yahe hari mwa ɗago, ajiliwa na watru kumi wakana uwaɗe wa uwenefu. Wazia mbali-mbali na waye,

LUKASI 22:41

Amwesa awatselea pandza kiasi la ɓwe lavutswa, aroso malondro, amia Mungu ha urongoa:

LUKASI 23:48

Na piya idunia yakoangalia ɓaanda yaona trongo yaka yahidjiri, waregea dzawo ha udzirema ishifuɓa.

LUKASI 5:8

Wakati Simoni Monye aona trongo zile, avundzu malondro mbeli za Insa, amwesa amuambia: «Mutukufu, nilawiye, mana wami muãswifu.»

MAV̄INGIZI-RISALA 2:37

Ukia yawo zitrongo zile, watru wale waremwa na utungu ziroho, ata wamudzisa Monye na yaMav̄ingizi-Risala wanyahe wale: «Wananyatru, v̄av̄o rifanye trini?»

MAROMU 5:8

Ɓadi ha zini ɗe Mungu av̄enua uriv̄endza yahe: iv̄o raha raka maãswifu, Kristi afu ha siɓaɓu ya wasi.

2 MAKORINTIYO 7:11

Namuangaliye ɓasi itrongo huzuni iyo ijao ha uv̄endza ya Mungu yamuv̄ingiani: djitihadi trini, ɓari trini ya udzieledza, kiasi trini ya utukivu, trisidzo trini, ushauku mungav̄i, huɓa trini mulionayo hari mwa iĩɓada, zifungo jeje ɗe mwav̄a! Hari mwa kula v̄ahanu, muonesa uraharifu wanyu hari mwa trongo ile.

1 TIMUTAUSU 1:15

Urongozi unu kweli, tsena ustahiki ukuɓaliwe ha namuna ndzikamilifu amba: Kristi-Insa aja ulemenguni ile ahuyi maãswifu, walio amba wami ɗe wa handra.

MAHEƁRANIYA 4:16

Ɓasi narijiliye v̄umoja na yakini ishiri ya yezi ya urehema, ile ripare poreho na urehema, risaidiwe hari mwa uwakati walazimu.

MAHEƁRANIYA 8:12

Nitsowaswamihi mahosa yawo, amwesa tsitsonahana tsena madhambi yawo.»