LUKASI 17:30 - Ha`bari Ndjema ya I Maore

³⁰ Itsoka ɗe inamuna iyo wajau isuku uMwana wa Mwanadamu atsov̄enuhao.

LUKASI 17:30 ပူးပေါင်းရင်းမြစ်များ

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

MATIYO 24:3

Ɓaanda Insa aka aketsi hari mwa uMulima wa Mizaituni|Mulima wa Mizaituni, maswihaɓa yahe yaja yamupara weke, wamudzisa: «Riambiye, wakati trini trongo izo zitsohidjirio? Na ãlama trini ɗe itsoonesao umuregeo waho na umwiso wa lidunia?»

MATIYO 24:37

Mauri ɗe zitrongo namuna zahidjiri wakati wa Nuhu, ɗe utsokao umujilio wa uMwana wa Mwanadamu.

MATIYO 24:39

Kawakodzifikiria na trongo ata iv̄o lidzaha la maji lawajilia, lawav̄inga piyawo. Iyo ɗe inamuna wajau umujilio wa uMwana wa Mwanadamu utsokao.

MATIYO 26:64

Insa amudjiɓu: «Wawe ɗe wairongoa. Ɓadi nisumujudzani: Rangu ulawa v̄anu mutsoona uMwana wa Mwanadamu iv̄o aketsi humeni ha Monyewe Ushindzi, tsena ajao hari mwa yamavingu ya winguni.»

MARKUSI 13:26

Ɓasi v̄av̄o iv̄o watru watsoona uMwana wa Mwanadamu|Mwana wa Mwanadamu iv̄o ajao hari mwa yamavingu, v̄umoja na ushindzi muɓole na utukufu.

LUKASI 17:24

Mana mauri ɗe iheli peni iv̄enao, iunishiao uwingu rangu uv̄andre ata uv̄andre, iyo ɗe inamuna uMwana wa Mwanadamu atsokao isuku ya umujilio wahe.

LUKASI 17:29

ɓadi isuku Lutwi alawa Suduma, vua ya moro na vu dzindzano la dzaha lakoshuka ulawa mbinguni, iwaangamidza piyawo.

LUKASI 21:22

Mana zizo zitsoka suku za hadhaɓu ha umutsimidzio wa piya zaangihwa.

LUKASI 21:27

Ɓas, v̄av̄o watsoona uMwana wa Mwanadamu iv̄o atsojao hari mwa vingu, ha ushindzi na utukufu muɓole.

1 MAKORINTIYO 1:7

Ha izo, wanyu kamwakosewa na neema itsokao yotsi hari mwa umulindrilio wanyu wa umuv̄enulio wa Raɓi watru Insa-Kristi.

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

MAKOLOSIYA 3:4

Wakati Kristi alio uhayati wanyu atsov̄enuhao, v̄av̄o wanyu wajau mutsov̄enuha v̄umoja na waye hari mwa utukufu.

2 MATESALONIKA 1:7

tsena amuv̄eni wanyu muondeshehao, uv̄umuzi v̄umoja na wasi, wakati wa umuv̄enulio wa Raɓi Insa ulawa mbinguni v̄umoja na malayika zendza ushindzi zahe.

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 YUHANI 2:28

Av̄asav̄anu wana wangu, namuɓaki hari mwa uv̄umoja na waye, ile pare wakati yotsi atsov̄enuhao, rikane yakini, tsena v̄wasuke ata aĩɓu moja yariɓausa na waye suku ya muv̄enulio wahe.

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.

MUV̄ENULIO 1:7

Tsuwo, asuja hari mwa mavingu na piya watsomuona, ata wao wamuforoa. Na piya zikaɓila za shiv̄andreju mwa tsi zitsoulula ha siɓaɓu ya waye. Ewa! Amina.