LUKASI 17:3 - Ha`bari Ndjema ya I Maore

³ Namudzifahamishe nafusi zanyu. Neka mwananyaho akoso, murudi, amohukia, muswamihi.

LUKASI 17:3 ပူးပေါင်းရင်းမြစ်များ

MATIYO 18:21

Wakati ule Monye amujilia Insa, amudzisa: «Raɓi, mara ngav̄i nitsoswamihio munyangu amonikosa? Hali, ata mara saɓa?»

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

MAEFESO 5:15

Namutunde ha uzuri ɓasi maendreleo yanyu: yasuke mauri ya magedze, ɓadi yake mauri ya wendza hikima.

MAHEƁRANIYA 12:15

Namuke hashiri amba v̄usuke ata mutru ahara urehema wa Mungu; v̄usuke ata muzi wendza nyongo wamea wataãɓisha, trongo ilio amba itsorandra, itupiye watru wengi.

YAKOƁU 5:19

Wananyangu, neka mutru mengoni mwanyu adziɓausa na ikweli, ɓasi amba wangina amuregeza,

2 YUHANI 1:8

Ɓasi namudzitahadharishe mwasulatse mavuna ya ihazi yatru, ɓadi mupare thawaɓu ndzikamilifu.