LUKASI 17:20 - Ha`bari Ndjema ya I Maore

²⁰ Watru wa ishama ya Mafarisayo wakomudzisa Insa wakati wa Utawalizi wa Mungu utsojao. Awadjiɓu: «Utawalizi wa Mungu, uwo kausuja namuna amba uonehane ha matso.

LUKASI 17:20 ပူးပေါင်းရင်းမြစ်များ

LUKASI 10:11

‹Ata lidjifu la liɗago lanyu lasama mindruni hatru, ne risumuv̄arusianilo. Ɓadi namujuwe amba Utawalizi wa Mungu ukuruɓia.›

LUKASI 14:1

V̄uka Suku ya Uv̄umuzi, Insa angia nyumbani ha moja mengoni mwa uwaɓole wa ishama ya Mafarisayo, akwendra aɗye. Na watru waka v̄ale wakomutunda.

LUKASI 16:16

«Wakati wa iSharia na yimiangishio ya yimitrume uka ata upara Yahaya. Rangu v̄av̄o Utawalizi wa Mungu ujudziwa, na kula mutru asurumia nguvu ile aungiye.

LUKASI 19:11

V̄ale wakovulishia trongo zile, na Insa awatolea raha mufano, mana aka kariɓu na Yerusalemu, na watru wakofikiri amba Utawalizi wa Mungu wakoja uv̄enuhe wakati ule kamwe.

YUHANI 18:36

Insa adjiɓu: «Ufalume wangu tsi wa ulemengu unu. Na djeli ufalume wangu uka wa ulemengu unu, warumishi wangu watsoniwanilia, ile nasuv̄elehwe mihononi ha Mayahudi. Ɓadi v̄anu, ufalume wangu tsi wa ulemengu unu.»