LUKASI 16:24 - Ha`bari Ndjema ya I Maore

²⁴ Ashelemedza: ‹Iɓrahima, Ɓaɓa, niv̄orehe, umuv̄elehe Lazaro apahise itsa ya isha yahe majini, aje anihombese ulimi, mana nisuondesheha jengeni v̄anu.›

LUKASI 16:24 ပူးပေါင်းရင်းမြစ်များ

MATIYO 25:41

Amwesa atsoambia wao watsokao potroni hahe: ‹Namuniɓaushiye v̄anu wanyu mwalaanwa! Namwendre hari mwa umoro ulio amba kauzimiha dahari watayarishiwa Iɓilisa na warumizi wahe!

MATIYO 3:9

wala musufikiri udziambia amba: ‹Wasi, ɓaɓatru ɗe Iɓrahima.› Mana nisumujudzani amba ha mawe yanu, ne Mungu ushindra atowe wana wa Iɓrahima!

MATIYO 5:22

Ɓadi wami nisumujudzani amba mutru yotsi atsojaliao hasera munyahe, alazimu ahukumulwe; na mutru yotsi atsomuambiao munyahe amba waye mupuzi, atsov̄itswa mahakama mbeli za uMungulidzano wa Waɓole|Mungulidzano wa Waɓole; na uwo atsomuambiao munyahe amba waye gedze, atsostahiki mahakama ya umoro wa Djahanama.

LUKASI 16:30

Arongoa tsena: ‹Tsi namuna iyo Ɓaɓangu Iɓrahima, ɓadi neka mutru hari mwa uwafu andre hawo, v̄av̄o watsendra toɓa.›

LUKASI 19:9

Sa ile Insa amuambia: «Leo uwokovu ungia muraɓani v̄anu, ha siɓaɓu amba unu wajau shilembwe ya Iɓrahima.

LUKASI 3:8

Namuv̄enuwe mavuna yastahiki watru wandra toɓa, wala musuketsi mwadziambia amba: ‹Wasi rina Iɓrahima amba mudzaɗe watru.› Mana nisumuambiani, ata hari mwa yamawe yanu, ne Mungu ushindrotoa zilembwe za Iɓrahima.

YUHANI 4:10

Insa amudjiɓu: «Na djeli wakojua ineema yadjaãliwa na Mungu, na uwo mbani ɗe ahuambiao amba: ‹Nimbe maji ninwe›, v̄av̄o wawe ɗe watsomumia maji ya unwa, na waye atsohuv̄a maji ya uhayati.»

YUHANI 4:14

Ɓadi uwo atsonwao yamaji nitsomuv̄aoyo, katsoona nyora ata idahari. Mana yamaji nitsomuv̄aoyo yatsoka haheju dzitso litriao maji ya uhayati mukamilifu wa daima.»

YUHANI 7:37

iSuku ya mwiso ya Musherehio ule, ne ɗe isuku ɓole, Insa ahimi, arongoa ha nguvu: «Neka mutru asuona nyora, nanijiliye, anwe.

MAROMU 4:12

Na tsena, ɓaɓa wa wao watahiriwa, wala tsi tu amba watahiriwa, ɓadi tsena waɗungao maendreleo ya uaminifu wa ɓaɓatru Iɓrahima rangu raha kaka atahiriwa.

2 MATESALONIKA 1:8

Atsov̄enuha moni na jenge la moro, ile aãdhiɓu wao kawasumujua Mungu na wao kawasutuĩ iIndjili ya Raɓi watru Insa.

YAKOƁU 2:13

Mana hukuma kaikana poreho ha mutru kasuonesa poreho. Poreho, lilo ushindra hukuma.

YAKOƁU 3:6

Na ulimi wajau, uwo moro. Uwo dunia la upeu liliona ɓandza hari mwa ziga za umwili watru. Uwo utria pandra piya umwili, na uvudza piya maendreleo ya maẽsha ya mutru, wakati ulio amba uwo-uwo uvudzwa na umoro wa Djahanama.

MUV̄ENULIO 19:20

iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.

MUV̄ENULIO 20:15

Mutru yotsi kaparihana amba aangihwa moni na ishio ya uhayati, avutswa moni na lidzaha la moro.

MUV̄ENULIO 22:1

Amwesa inionesa muro wa maji ya uhayati, yakov̄ev̄ena mauri ɓwe lihiriwao kristali, yakolawa shiriju mwa ufalume wa Mungu na wa uMwana Ɓariɓari.