LUKASI 16:19 - Ha`bari Ndjema ya I Maore

¹⁹ «V̄uka mutru tadjiri akopindra vao dzuzuri lakana range ya muzambarau, tsena lafanyiwa ha mauzi mambamba ya kitani; kula suku akoẽshi ha uzuri, tsena hari mwa masterehi.

LUKASI 16:19 ပူးပေါင်းရင်းမြစ်များ

MARKUSI 15:17

Wamupindrisa nguo ya range ya muzambarau, wav̄ahasa kara la miɓa, wamutrialo shitswani.

MARKUSI 15:20

Wamohisa umushekedza v̄ale, wamutoa inguo ya range ya muzambarau ile, wamutria zahe nguo, amwesa wamuv̄ingi, wandre wamureme mizumari hari mwa muri wa pawa.

LUKASI 15:13

V̄wamov̄ira wana suku, mutiti ule arenge piya zahe, andre hari mwa tsi mbali. Hule alatsa piya mali yahe ha uẽshi hari mwa ulevi.

LUKASI 16:1

Insa aambia tsena maswihaɓa yahe: «V̄uka tadjiri akana musika-mali, aja asalitiwa hahe amba akomenya mali zahe.

LUKASI 16:18

Mutru yotsi afunguao mushe wahe amwesa afungiye wangina, uwo asuzani, na yotsi afungiao mutrumushe afungulwa na mume wahe, asuzani.»

LUKASI 16:20

V̄uka na mutru masikini akohiriwa Lazaro, akolala mulongoju ha tadjiri ule. Aka ajaya zondra hari mwa piya umwili wahe,

MUV̄ENULIO 17:4

Mutrumushe uwo aka apindri nguo zendza range za muzambarau na ndzukundru, amwesa akovaga ha dhahaɓu na mawe yendza thamani, v̄umoja na lulu zendza thamani. Aka asiki muhononi shikombe ya dhahaɓu yaka yajaya zitru zendza nagisi na tsama za ususu wahe.

MUV̄ENULIO 18:16

ɓasi watsorongoa: «Maondo! Maondo trini ya liɗago ɓole lile lapindra kitani nyambamba, range ya muzambarau na ndzukundru, lakovaga ha dhahaɓu, na mawe yendza thamani, v̄umoja na lulu zendza thamani.

MUV̄ENULIO 18:7

Ha ikiasi adziv̄a utukufu na masterehi, ɗe ikiasi mutsomuv̄ao matreso na musiɓa. Mana rohoni hahe asurongoa amba: ‹Tsiketsi shi mufalume-mutrumushe, tsisi mutrumushe afiliwa, ata idahari tsitsokana musiɓa.›