LUKASI 16:1 - Ha`bari Ndjema ya I Maore

¹ Insa aambia tsena maswihaɓa yahe: «V̄uka tadjiri akana musika-mali, aja asalitiwa hahe amba akomenya mali zahe.

LUKASI 16:1 ပူးပေါင်းရင်းမြစ်များ

MATIYO 20:8

Jua lamotswa, monyewe ishunga ya mizaɓiɓu aambia mushangirizi wahe: ‹Hira uwatru wa hazi, uwaliv̄e mihadjara yawo ha uandrisa na wa mwiso, ata uwaswili wa handra.›

LUKASI 12:42

Raɓi arongoa: «Uv̄i ɗe murumizi mwaminifu mwendza hikima murumisa wahe atsomudjukumisao muraɓa wahe, ile av̄e warumizi wanyahe zahula wakati wahetsiwa?

LUKASI 15:13

V̄wamov̄ira wana suku, mutiti ule arenge piya zahe, andre hari mwa tsi mbali. Hule alatsa piya mali yahe ha uẽshi hari mwa ulevi.

LUKASI 15:30

Ɓadi umwana waho ule aɗya mali zaho na masusu amoja, umutsindzia umwana nyombe ule anyeresewa.›

LUKASI 16:19

«V̄uka mutru tadjiri akopindra vao dzuzuri lakana range ya muzambarau, tsena lafanyiwa ha mauzi mambamba ya kitani; kula suku akoẽshi ha uzuri, tsena hari mwa masterehi.

LUKASI 16:2

Ɓas, amuhiri, amuambia: ‹Trongo trini niikiao yahuhusu? Nionese ihisaɓu ya inamuna uendresao imali yangu, mana kutsojua tsena waka musika-mali wangu.›

LUKASI 19:20

Na wangina aja, arongoa: ‹Mutukufu, lipauni laho tsilini, tsika tsiligamisa moni na nguo.

LUKASI 8:3

Yuhana, mutrumushe wa Kuza, murumizi muɓole wa Hirudu; Suzana; na wangina wengi walio amba wakomusaidi Insa na maswihaɓa yahe ha zimali zawo.

TITUSA 1:7

Kweli amba dhwamana wa Djama Ndziwaminifu, rangu alio mushangirizi wa Mungu, alazimu ake ɓila tuhuma. Kalazimu aka mwendza hanyo, mwendza hasera, mulevi, mumani, wala adziparia ha namuna kayalazimu.

YAKOƁU 4:3

Neka musufanya mamilio, kamusupara mana musumia nnayi, pare mujiv̄idze ngushauku zanyu.

1 MONYE 4:10

Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.