Yerusalemu, wawe Yerusalemu uulao yimitrume na uangamidza ha mawe wao wav̄eleshewawo! Ha mara ngav̄i natsaha ningulidze watru waho mauri kuhu ingulidzao wana wahe moni na maɓawa yahe, wala kamwakuɓali!
Watru wa ishama ya dini ya Mafarisayo na Mafundi ya Sharia wakonguruma ha urongoa: «Mutru unu asurenga fetre watru wendza taɓia mbi na uɗya v̄umoja na wao.»
Ule amudjiɓu ɓaɓahe: ‹Tsini rina maha mengi nihurumishiao, wala tsaparoendra kinyume na ziãmuri zaho. Ne kwaparoniv̄a ata mwana mbuzi amba nisterehi na wandzani wangu.
Watru wa ishama ya Mafarisayo na Mafundi ya Sharia yawo wakonguruma na uambia maswihaɓa yahe: «Manatrini muɗyao na unwa v̄umoja na maliv̄isa-latete na wendza taɓia mbi?»
Wakati Mufarisayo ule aka amukariɓisa aona trongo ile, adziambia: «Na djeli mutru unu aka mutrume, atsojua amba mbani na namuna trini ya mutrumama unu amuv̄av̄atsao, atsojua amba waye muãswifu.»
Ɓadi Mayahudi yakotsotsoa watruwashe wendza sheo watuĩvu na yamakizi-mbeli ya liɗago. Watsongo umani kinyume na Ɓaulusu na Ɓarnaɓasi, ata wawaĩdzia hari mwa liɓavu lawo lile.
Ɓadi wami nisudzisa: Hali Israila kaijua? Trongo ya handra, Musa arongoa: «Nitsotsotsa uwivu wanyu ha watru walio amba tsi nishani; ha nishani ndzijinga, nitsotsotsa hadhaɓu zanyu.»
Wasuritaãɓisha ulagua na watru wa zinishani zangina pare wahuyiwe. V̄av̄o wasuendrelea ukamilisha ishiv̄imo ya madhambi yawo. Ɓadi ihadhaɓu ya Mungu ija iwapara mwisoni.