LUKASI 15:15 - Ha`bari Ndjema ya I Maore

¹⁵ Wakati ule andre apara mutru wa tsiju v̄ale, waafikiana, ata mutru ule amuv̄eleha shambani hahe atsunge mav̄uruku yahe.

LUKASI 15:15 ပူးပေါင်းရင်းမြစ်များ

MATIYO 7:6

Musuv̄e zimbwa izo zilio twahara, zasuje zamuzingiani, zamukamanyoni; wala musuvutsiye lulu zendza thamani zanyu mav̄uruku, yasuje yazigaɗa.»

LUKASI 15:13

V̄wamov̄ira wana suku, mutiti ule arenge piya zahe, andre hari mwa tsi mbali. Hule alatsa piya mali yahe ha uẽshi hari mwa ulevi.

LUKASI 15:14

Amohisa uzirumia piya, v̄ushuku ndza ɓole hari mwa itsi ile, ata aandrisa ukosewa.

LUKASI 15:16

Atsov̄endza ha uzuri aɗye mahandre mav̄uruku yale yakoyaɗya, ɓadi kav̄u ata mutru akomuv̄ayo.

MAROMU 6:22

Ɓadi av̄asa mukombolwa na ushindzi wa dhambi, mufanyiha warumwa wa Mungu; mavuna mulionayo ɗe utwaharifu, na umwiso ɗe uhayati mukamilifu wa daima.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.