LUKASI 12:42 - Ha`bari Ndjema ya I Maore

⁴² Raɓi arongoa: «Uv̄i ɗe murumizi mwaminifu mwendza hikima murumisa wahe atsomudjukumisao muraɓa wahe, ile av̄e warumizi wanyahe zahula wakati wahetsiwa?

LUKASI 12:42 ပူးပေါင်းရင်းမြစ်များ

MATIYO 13:52

Ɓas awaambia: «Iyo ɗe imana, kula fundi wa Sharia asomedzewa zahusu Utawalizi wa Monyewe ziMbingu, ujua afanisiwe na monyewe nyumba arengao hari mwa dafine yahe zitru pia na za hale.»

MATIYO 20:8

Jua lamotswa, monyewe ishunga ya mizaɓiɓu aambia mushangirizi wahe: ‹Hira uwatru wa hazi, uwaliv̄e mihadjara yawo ha uandrisa na wa mwiso, ata uwaswili wa handra.›

LUKASI 12:43

Aɓarikishiha murumizi uwo wakati murumisa wahe atsojao, atsomuparao amba ashahiliha na hazi zahe.

LUKASI 7:13

Wakati Raɓi amuona, asikwa na poreho na waye, amuambia: «Usulile.»

LUKASI 7:19

Wakati ule ahiri waili, awav̄eleha ha Insa wamudzise: «Hali wawe ɗe mutru akolazimu aje, au rilindre wangina?»

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

1 TIMUTAUSU 3:15

Ɓadi neka nisuhoma, itsoka amba ha zini usujua inamuna ya udziv̄inga moni na idjama ya Mungu, ilio iDjama Ndziwaminifu ya Mungu alio hayi, ilio raha amba ɗe ingidzo na umusingi wa ukweli.

1 TIMUTAUSU 5:17

Ɓasi uwaɓole waendresao ha uzuri iDjama Ndziwaminifu, nawaonehane amba wazidi ustahiki sheo, hususwani ɗe wao wadzirumao hari mwa mujudzio wa Urongozi na musomo.

2 TIMUTAUSU 4:2

judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.

TITUSA 1:7

Kweli amba dhwamana wa Djama Ndziwaminifu, rangu alio mushangirizi wa Mungu, alazimu ake ɓila tuhuma. Kalazimu aka mwendza hanyo, mwendza hasera, mulevi, mumani, wala adziparia ha namuna kayalazimu.

MAHEƁRANIYA 13:17

Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

MAHEƁRANIYA 13:7

Namunahane wav̄ingizi wanyu wamujudzani urongozi wa Mungu. Namuangaliye yamavuna ya maẽsha yawo, tsena mutiɓe uaminifu wawo.

MAHEƁRANIYA 3:5

Yahusu Musa waye, aka muaminifu hari mwa piya umuraɓa wa Mungu amba murumishi, alawiye ushahidi izo zakoja zirongoleshehe.

1 MONYE 4:10

Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.