LUKASI 12:17 - Ha`bari Ndjema ya I Maore

¹⁷ Akofikiri rohoni na udziambia: ‹V̄anu nifanye jeje? Ne tsisina v̄ahali v̄wa ugamisa mavuna yangu.›

LUKASI 12:17 ပူးပေါင်းရင်းမြစ်များ

MATIYO 16:7

V̄ale maswihaɓa waambiana: «Ɗe iv̄o karav̄inga madipe.»

MATIYO 5:42

Mutru ahumiao, muv̄e, na uwo atsahao umuazime, usumuharaliye.»

LUKASI 10:25

Ɓas, v̄uhimi mutaãlamu wa Sharia, amuambia Insa ha umudjereɓu: «Fundi, trini ɗe yalazimu niifanye ile nipare uhayati mukamilifu?»

LUKASI 11:41

Ɓasi namutowe zaka izo zilio moni, na piya zitsotwaharishiha hanyuju.

LUKASI 12:16

Amwesa awatolea mufano unu: «Shamba la mutru tadjiri lika limuv̄a mavuna ha uwengi.

LUKASI 12:18

Ɓas, arongoa: ‹iTrongo nitsoifanyao, nitsokomoa kanya zangu, niwahe zangina ɓole zazidi; v̄av̄o nitsogamisa piya mavuna yangu na mali zangu.

LUKASI 12:22

Ɓasi Insa aambia maswihaɓa yahe: «Iyo ɗe imana nimuambiaoni, musudzitriye hamu na maẽsha yanyu na iyo mutsoɗyao, wala umwili wanyu na iyo mutsopindrao.

LUKASI 12:29

Ɓasi wanyu, musudzisonge na izo mutsoɗyao na unwa; musuke na hamu.

LUKASI 12:33

Namuudze mali zanyu, zifaida muzitowe zaka. Namudzifanyiye mifuko ya marike kayikomoha, utadjirifu kaushashiha pev̄oni v̄ahanu mwidzi kav̄ukuruɓia, wala ɓiɓi kalimenye.

LUKASI 16:3

Ɓas, musika-mali ule adziambia: ‹Nifanye trini, na murumisa wangu asunitoa hari mwa ihazi ya uendresa mali zahe? Hali nendre nalime, tsishindri, nafanye akrimasikini, nisuona haya.

LUKASI 16:9

Ɓasi wami nisumuambiani, namudzifanyiye wandzani ha imali ya lidunia lini, ile pare zamomulawiani, murengwe hari mwa makao ya daima.

LUKASI 18:22

Insa wakati akia trongo zile, amuambia: «V̄uhuɓakia tsena trongo moja: udza piya izo ulionazo, uanisiye zimasikini, na v̄av̄o utsokana utadjirifu pev̄oni. Amwesa uje uniɗunge.»

LUKASI 19:17

Amuambia: ‹Ufanya fetre, wawe murumizi mwema. Ha iv̄o waonesa uaminifu hari mwa trongo shashi, usuv̄olwa yezi hari mwa malago kumi.›

LUKASI 3:11

Awadjiɓu: «Monyewe ukana nguo mbili, naanyise na ule kasina ata hata, na uwo aliona shahula, nafanye namuna ɗe wiyo iyo.»

MAV̄INGIZI-RISALA 16:30

Awatoa v̄ondze, amwesa adzisa: «Maɓaɓangu, trongo trini ɗe yalazimu niifanye pare nihuyihe?»

MAV̄INGIZI-RISALA 2:37

Ukia yawo zitrongo zile, watru wale waremwa na utungu ziroho, ata wamudzisa Monye na yaMav̄ingizi-Risala wanyahe wale: «Wananyatru, v̄av̄o rifanye trini?»

MAROMU 12:13

Namusaidiye wanyanyu waaminifu na zingusongefu zawo, muke na djitihadi ya ukariɓisa.

1 TIMUTAUSU 6:17

Sariɓia walio tadjiri wakati wa leo wasudzione, wala wasutriye itama yawo hari mwa ngutadjirifu zilio amba kaziaminishiha, ɓadi ɗe ha Mungu ariv̄ao piya ha uwengi, ile rifurahishihe.

1 YUHANI 3:16

Ha zini risujua uv̄endza: ɗe amba waye Insa av̄a uhayati wahe ha faida yatru. Wasi wajau, rilazimu riv̄e uhayati watru ha faida ya uwananya.