LUKASI 11:29 - Ha`bari Ndjema ya I Maore

²⁹ Ɓaanda idunia yakongulidzana ha uwengi, Insa aja arongoa: «Dunia la leo lini, dunia ɓovu; lisutsaha ãlama ya midjuza, ɓadi kalitsoonesewa ãlama neka tsi ɗe ya Yunusa.

LUKASI 11:29 ပူးပေါင်းရင်းမြစ်များ

MATIYO 3:7

Uona yahe amba watru wengi wa ishama ya Mafarisayo na ya Masadukayo wakomujilia waɓaĩshiwe, awaambia: «Wanyu wanafiki, udjama wa nyoha za peu! Mbani ɗe amujudzani amba mutsoshindra mutrale ihadhaɓu ijao?

MARKUSI 8:38

Mutru aonao haya ha siɓaɓu ya wami na yamarongozi yangu mbeli za uwatru tsi maaminifu maãswifu wa lidunia la leo lini, ɓasi uMwana wa Mwanadamu atsoona haya wajau ha siɓaɓu ya mutru ule wakati atsojao hari mwa utukufu wa Ɓaɓahe v̄umoja na zimalayika ndzitwaharifu.»

LUKASI 11:16

Na wasalia, ha umudjereɓu, watsaha awaonese ãlama ya midjuza yalawa mbinguni.

LUKASI 11:50

Ha izo, watru wa lidunia la leo lini watsotrihisiwa djukuma la idamu ya piya yimitrume yatriha rangu lidunia uumbwa yalo,

LUKASI 12:1

Moni v̄ale v̄uka v̄ungulidzana mialifu na mialifu ya wanadamu, ha namuna amba ata wakogaɗana. V̄ale Insa arenge umurongo, aambia ɗe maswihaɓa yahe: «Kaɓula ya trongo piya, namudzifahamishe na ilalive ya Mafarisayo, ilio amba ɗe unafiki.

LUKASI 9:41

Sa ile Insa adjiɓu: «He wanyu zama za leo zini kazina uaminifu, zendza taɓia mbovu! Ata lini ɗe nitsolazimuo nike na wanyu, nimustahamilini? Muv̄inge mwana waho hunu.»

YUHANI 2:18

Ɓas, Mayahudi wamudzisa: «Ãlama trini ya midjuza utsorionesao, ike udhiɓitifu amba utsojua ufanye trongo zini?»

YUHANI 6:30

Sa ile wamudzisa: «Ãlama ya midjuza trini utsoifanyao, ile riione, tsena rihuamini? Trini ɗe ujao uifanye?

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

1 MAKORINTIYO 1:22

Mayahudi wasutsaha waone ãlama za midjuza na yaMagiriki wao, wasuzunguha hikima,