LUKASI 10:34 - Ha`bari Ndjema ya I Maore

³⁴ Atsengelea kariɓu, amuv̄ambia shitamba madjaraha yahe, ɓaanda ayatria matra na maji ya zaɓiɓu. Amwesa amuv̄ahidza hari mwa ipundra yahe monyewe, amuv̄ingi hari mwa nyumba ya wadjeni, ashahiliha ha uzuri na waye.

LUKASI 10:34 ပူးပေါင်းရင်းမြစ်များ

MARKUSI 14:8

Afanya izo ashindra. Atsomolea marashi mwili wangu rangu kaɓula ha urengeledza umudziho wangu.

LUKASI 10:33

Ɓadi v̄uja v̄uv̄iri Musamariya aka hari mwa musafara. Umuona yahe, aremwa na poreho.

LUKASI 10:35

iSuku yaɗunga, atowo mapauni maili ya fedha, av̄awo monyewe inyumba ile, amwesa amuambia: ‹Muangaliye ha uzuri tu. Na neka izo utsomurumishiao zizidi zini, nitsohuregezeazo namorudi.›

LUKASI 2:7

Aja adza mwana wa handra wahe, mutruɓaɓa. Amuv̄ambia nguo, amuladza moni na shiya ya zahula za zinyama, mana kawaka wapara ɓandza moni na inyumba ya wadjeni.

MAROMU 12:20

Ɓadi tsena: «Neka ãduwi yaho isuona ndza, iv̄e shahula; neka isuona nyora, iv̄e ya unwa. Mana wamorendra namuna iyo, maha ya moro ɗe utsomungulidziao shitswani hahe.»

1 MATESALONIKA 5:15

Namutahadhari amba v̄usuke mutru aɗiv̄a mbovu ha mbovu, ɓadi ha daima namuendreleye hari mwa zindjema, rangu wanyu na wanyu, ata ha piya wanadamu.