LUKASI 10:3 - Ha`bari Ndjema ya I Maore

³ Namwendre; namuvulishiye, nisumuv̄elehani mufano wa wana maɓariɓari wandrao hari-hari mwa mbwa nyeha.

LUKASI 10:3 ပူးပေါင်းရင်းမြစ်များ

MATIYO 10:16

«Namujuwe, nisumuv̄elehani mauri maɓariɓari hari-hari na mbwa nyeha. Ha izo, namuke wendza ãkili mauri ɗe zinyoha, tsena muke warembwavu mauri zukuru.

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

MATIYO 7:15

«Namudzifahamishe na watru wa trambo wadzifanyao amba washukidziwa marongozi; wao umujiliani ha sura za maɓariɓari matrulivu, ɓadi moni hawo, wao wahali mauri mbwa nyeha.

LUKASI 10:4

Mwasuv̄inge mufuko wa marike, wala mukoɓa, ɓila kaɓwa; tsena, musuziye mwarenga haɓari za atsokao yotsi ndziani.

YUHANI 10:12

Ɓadi mutru aadjiriwa amba waye tsi mutsunga, wala tsi monyewe maɓariɓari yale, amoona amba mbwa nyeha isuja, waye ulisha yamaɓariɓari, ne atrale; na imbwa nyeha uyangilia, na uyatsambadza.

YUHANI 15:20

Namunahane urongozi namuambianiwo: ‹Murumishi tsi muɓole rahana murumisa wahe.› Neka wanitrese, watsomutresani wajau. Na neka watuĩ urongozi wangu, watsotuĩ wajau wanyu.

YUHANI 16:2

Mutsoɓalidziwa ziNyumba za Uswali. Na v̄usuja wakati amba yotsi atsomuulanio, atsofikiri amba asumurumishia Mungu.

MAV̄INGIZI-RISALA 20:29

Nisujua amba ɓaanda itsokao amba tsilawa, mbwa nyeha kali za watru zitsongia hari mwanyu, watru walio amba kawatsov̄oreha ata hata liɓangwe.

MAV̄INGIZI-RISALA 9:16

Nitsomuonesa piya yamatreso alazimu ayav̄iriye ha siɓaɓu yangu.»

MAV̄INGIZI-RISALA 9:2

andre atsaha maɓarua yav̄ingiwe ziNyumba za Uswali za Damasko yatsomuruhusuo aziye rangu watruɓaɓa ata watrumama waɗungao umusomo uwo, awav̄inge Yerusalemu.