LUKASI 10:27 - Ha`bari Ndjema ya I Maore

²⁷ Ule amuambia: «Muv̄endze Mwalaho Monyezi Mungu ha piya umo waho, ha piya iroho yaho, ha piya nguvu zaho, na ha piya ãkili zaho; tsena, umuv̄endze munyaho, mauri ɗe inamuna udziv̄endzao wawe monyewe.»

LUKASI 10:27 ပူးပေါင်းရင်းမြစ်များ

MATIYO 19:19

Muhishimu ɓaɓaho na mayaho, tsena umuv̄endze munyaho mauri ɗe iwawe yaho.»

LUKASI 10:26

Insa amudjiɓu: «Trini ɗe yaangihwa moni na iSharia? Trini ɗe uisomao?»

MAROMU 13:9

Mana ziãmuri zini: usufanye hawara, usuule, usuhiɓe, usudzihafukanise, na zasalia piya, zirongolesheha hari mwa iãmuri moja ini: «Utsov̄endza munyaho mauri ɗe iwawe yaho.»

MAGALATWIYA 5:13

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

MAHEƁRANIYA 8:10

Ne ɗe tsunu umukataɓa nitsoufungao na umuraɓa wa Israila ɓaanda ya suku zizo, asurongoa Mola. Nitsotria Sharia zangu fikirani hawo, nitsoziangiha rohoni hawo. Nitsoka Mungu wawo, amwesa watsoka umati wangu.

YAKOƁU 2:8

Ɓila shaka neka musutsimidza isharia ya shiufalume yalawana na uMuangishio amba: «Utsov̄endza munyaho mauri ɗe iwawe yaho», v̄av̄o musufanya ndjema.

1 YUHANI 3:18

Wana wangu, rasuv̄endze ha urongozi na hanyo tu, ɓadi ha zitrendro na zikweli.