LUKASI 1:65 - Ha`bari Ndjema ya I Maore

⁶⁵ Ɓasi piya watru hari mwa mukaɓala ule waremwa na trisidzo. Na hari mwa piya yimikaɓala ya yimilima ya Yudeya, piya trongo zile zakorongolwa.

LUKASI 1:65 ပူးပေါင်းရင်းမြစ်များ

MATIYO 2:1

Insa adzalwa ɗagoni Ɓaitilham hari mwa iYudeya, wakati Hirudu aka mufalume. Na v̄ale ɗe mataãlamu wa nyora walawa mashiriki, waja ɗagoni Yerusalemu,

LUKASI 1:39

Hari mwa suku zile kamwe, Mariama alawa, andre ha uharaka hari mwa ɗago milimani mwa iYudeya.

LUKASI 2:18

Piya wao wawakia, washanga na trongo zile watsunga wale wakowaambiazo.

LUKASI 5:26

Watru waka v̄ale piya wasikwa na ushangavu, tsena wamutukuza Mungu. Ha zifaza waka nazo, wakorongoa: «Riono trongo za ãdjaɓu leo.»

LUKASI 7:16

Piya watru wasikwa na faza, wamutukuza Mungu ha urongoa: «Mutrume muɓole aja av̄enuha hari mwasi!» Na tsena: «Mungu aja aangalia umati wahe.»

MAV̄INGIZI-RISALA 19:17

Trongo ile ijulihwana na piya wakazi wa Efeso, yaMayahudi na Magiriki. Faza ziwajilia piyawo, ata wakotukuza lidzina la Raɓi Insa.

MAV̄INGIZI-RISALA 2:43

Ushangavu wakorema kula mutru, tsena v̄wakofanyiha wengi wa ãdjaɓu na ãlama za midjuza ha ulawa na yaMav̄ingizi-Risala.

MAV̄INGIZI-RISALA 5:11

Faza ɓole ingilia piya iDjama Ndziwaminifu na piya wale wakia haɓari zile.

MAV̄INGIZI-RISALA 5:5

Hananiya ukia yahe marongozi yale, awu v̄otsi, afu. Faza ɓole ingilia piya wale wakia zitrongo zile.

MUV̄ENULIO 11:11

Ɓadi ɓaanda ya suku traru wa nusu zile, roho ya uhayati yalawa ha Mungu iwangilia, wahimi ha yimindru yawo. Ɓasi faza ɓole isiki wale wakowaona.