LUKASI 1:32 - Ha`bari Ndjema ya I Maore

³² Waye atsoka mutru muɓole, atsohiriwa Mwana wa Monyewe Uju rahana Uju. Mwalatru Monyezi-Mungu atsomuv̄a ishiri ya ufalume ya Daudu, ɓaɓahe.

LUKASI 1:32 ပူးပေါင်းရင်းမြစ်များ

MATIYO 1:1

Tsini ishikandre yav̄inga madzina ya wadzaɗe wa Insa-Kristi, shilembwe ya Daudu, alio amba shilembwe ya Iɓrahima.

MATIYO 12:42

iSuku ya hukuma, umufalume mutrumushe wa swihilini atsohima na watru wa lidunia la leo lini, amwesa atsowasika na kosa, mana waye alawa rangu mwiso wa lidunia aje avulishiye ihikima ya Sulaimana. Na v̄anu v̄wa ɓole rahana Sulaimana!»

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

MATIYO 3:11

Wami nisumuɓaĩshani ha maji, ike udhiɓitifu amba mwendre toɓa. Ɓadi uwo ajao unyuma hangu, ana ushindzi rahana wami: tsastahiki ata uv̄inga kaɓwa zahe. Waye atsomuɓaĩshani ha iRoho Ndzitwaharifu, na ha moro.

MARKUSI 14:61

Ɓadi Insa aɓuriha, kadjiɓu ata trongo. Muɓole wa yaMatolezi ule amudzisa tsena: «Wawe ɗe Kristi, Mwana wa Uwo atukuziha?»

MARKUSI 5:7

amwesa ashelemedza ha ji lendza nguvu: «Usunitsaha na trini Insa, Mwana wa Mungu Monyewe Uju rahana Uju? Nilav̄iye na Mungu amba kutsonitresa!»

LUKASI 1:15

mana atsoka muɓole mbeli za Mola, katsolazimu anwa ushi wa zaɓiɓu, wala shinoa yangina ilezao, atsojadziwa iRoho Ndzitwaharifu rangu mimbani ha mayahe.

LUKASI 1:35

iMalayika imudjiɓu: «iRoho Ndzitwaharifu itsohujilia, na ushindzi wa Monyewe Uju rahana Uju utsohuv̄ishidza ha umuvuli wawo. Iyo ɗe imana umwana mutwaharifu uwo atsodzalwao, atsohiriwa Mwana wa Mungu.

LUKASI 1:76

Na wawe mwana, utsohiriwa mutrume wa Monyewe Uju rahana Uju, mana utsomutrangulia Raɓi umutayarishe zindzia zahe,

LUKASI 3:16

awaambia piyawo: «Wami nisumuɓaĩshani ha maji. Ɓadi v̄usuja mwendza ushindzi rahana wami, alio amba tsastahiki ata uɓulia ngwe za kaɓwa zahe. Na waye atsomuɓaĩshani ha iRoho Ndzitwaharifu, na ha moro.

LUKASI 6:35

Ɓadi namuv̄endze maãduwi yanyu, namurendre zema, mwazime, ɓila utumainia ata shitru. Na thawaɓu yanyu itsoka ɓole, tsena mutsoka wana wa Monyewe Uju rahana Uju; mana waye mwema ha wao kawamuhimidia, na ha waovu.

YUHANI 12:34

Ɓas, dunia ile imuambia: «Wasi rikia hari mwa iSharia amba Kristi atsoẽshi dahari. Ha namuna jeje ɓasi ata urongoao amba: ‹uMwana wa Mwanadamu alazimu ahedzewe›? uMwana wa Mwanadamu uwo, ɗe uv̄i?»

YUHANI 6:69

Na wasi riamini, tsena rijua amba wawe ɗe Mutwaharifu wa Mungu.»

MAV̄INGIZI-RISALA 16:17

Mutrumushe ule akoriɗunga Ɓaulusu na wasi ha ushelemedza: «Watru wao warumishi wa Mungu Monyewe Uju rahana Uju, na wao wasumujudzani indzia ya uhuyifu.»

MAV̄INGIZI-RISALA 2:30

Iv̄o aka mutrume, tsena akojua amba Mungu amutolea wahadi ha umulav̄ia amba atsohetsi moja hari mwa zizilembwe zahe aketsi hari mwa ishiri ya yezi yahe,

MAV̄INGIZI-RISALA 2:36

«Ha izo, piya umati wa Israila naujuwe ha yakini amba Mungu amufanya Raɓi amma Kristi, Insa uwo mwamurema mizumari hari mwa muri wa pawa.»

MAV̄INGIZI-RISALA 7:48

Na v̄ale, Monyewe Uju rahana Uju kaketsi v̄ahanu v̄wafanyiwa ha mihono ya wanadamu, mauri ɗe iheli umutrume arongoa:

MAROMU 1:4

Adhiɓitishiha amba Mwana wa Mungu ha ushindzi, ha ndzia ya iRoho ya utwaharifu ha umuregeo hayi wahe ulawa ha uwafu, waye Insa-Kristi Raɓi watru,

MUV̄ENULIO 3:7

«Angishia imalayika ya iDjama Ndziwaminifu ya shi Filadelfiya zini: Zini ɗe zirongolwao na Uwo alio Mutwaharifu amma Kweli, Monyewe ukana umufunguo wa Daudu, Monyewe aɓuao wala kav̄u aɓalao, tsena aɓalao wala kav̄u aɓuao.