LUKASI 1:1 - Ha`bari Ndjema ya I Maore

¹ Mutukufu Theofilusu, watru wengi wafanya djitihadi ya uangiha zihadisi za zitrongo zatsimidziha hatruju.

LUKASI 1:1 ပူးပေါင်းရင်းမြစ်များ

MARKUSI 16:20

Na wao walawa wajudze iHaɓari Ndjema kula v̄ahanu. Raɓi akofanya hazi v̄umoja na wao, na udhiɓitisha marongozi yao ha ziãlama za midjuza zakoyaɗunga.]

YUHANI 20:31

Ɓadi zini ziangihwa pare muamini amba Insa ɗe Mutsahuliwa, uMwana wa Mungu, na ha uamini, mukane uhayati ha lidzina lahe.

MAROMU 14:5

V̄wa waonao amba v̄wa suku muhimu rahana zaɓaki, v̄wa wangina wazionao amba piya sawa. Ɓasi kula mutru nawafiku rohoni na iheli aonao.

MAROMU 4:21

ha iv̄o awafiku amba Mungu ushindra atsimidze izo amutolea wahadi.

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

1 MATESALONIKA 1:5

Mana iIndjili ramujudzaniyo kayamujiliani amba ha marongozi tu, ɓadi tsena ha ushindzi, ha iRoho Ndzitwaharifu, v̄umoja na yakini yaswafishiha. Mana kweli amba musujua namuna jeje rakoka na wanyu, ha tanafu yanyu.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

2 TIMUTAUSU 4:17

Ɓadi Raɓi ɗe aka na wami, anihodarisha ile pare ha wami, umutekelezio wa iHaɓari ufanyishihe ha ukamilifu, tsena ukilihwane na piya zinishani kazimuji Mungu. Ɓasi tsikombolwa na ihanyo ya simba.

MAHEƁRANIYA 10:22

V̄av̄o narikuruɓiye ha umo warahara na uaminifu mukamilifu, tsena na roho yarahatsiwa na tuhuma mbovu, v̄umoja na mwili ulio amba uhoswa ha maji maraharifu.

MAHEƁRANIYA 6:11

Ɓadi risutsaha amba kula moja hari mwanyu av̄enuwe djitihadi ɗe wiyo-wiyo ata mupaka mwisoni, ile itama mulionayo iyakinishihe.