2 TIMUTAUSU 3:5 - Ha`bari Ndjema ya I Maore

⁵ Watsodzifanisa na watru waɗungao trongo za shiungu, ne kawatsokuɓali uushindzi wazo. Dziɓause na watru wao.

2 TIMUTAUSU 3:5 ပူးပေါင်းရင်းမြစ်များ

MATIYO 7:15

«Namudzifahamishe na watru wa trambo wadzifanyao amba washukidziwa marongozi; wao umujiliani ha sura za maɓariɓari matrulivu, ɓadi moni hawo, wao wahali mauri mbwa nyeha.

MAEFESO 4:14

Ha izo, karitsoka tsena wanatsa wav̄ingwao na maji, watangisiwao na kula pev̄o ya musomo, wapotezewao ha udjandja na yimipango ya unafiki ya wanadamu.

2 MATESALONIKA 3:14

Neka v̄wa mutru kasutuĩ marongozi yatru hari mwa liɓarua lini, namumutriye ãlama, tsena mwasushahilihe na waye hari mwa itsokao yotsi, pare aone haya.

2 MATESALONIKA 3:6

Risumusariɓiani wananyatru ha lidzina la Raɓi Insa-Kristi, mudziɓause na kula mwananya wa shi uaminifu aliona maẽsha yendza musadjadja, ɓadi tsi ha uɗunga maosio ramuv̄aniwo.

1 TIMUTAUSU 4:7

Ɓadi ɓauha mahadisi ya shidunia yao ya shikitaɓi-koko, ne udzishahilise na trongo za shiĩɓada.

1 TIMUTAUSU 4:8

Madjereɓio ya shimwili ukana faida, ɓadi hari mwa trongo shashi, wakati ulio amba ĩɓada, iyo ukana faida hari mwa piya zitrongo, mana ina wahadi wa uhayati wa leo, ata uwo ujao.

1 TIMUTAUSU 5:8

Neka mutru kasuangalia wadjamazahe, na hususwani wale muraɓani hahe, v̄av̄o av̄a mengo uaminifu, tsena a movu rahana mutru kaamini.

1 TIMUTAUSU 6:5

mashindrano kayakomo ya watru wendza ãkili zamenyeha, kawasujua ukweli, watru wadanio amba ĩɓada utadjirisha.

2 TIMUTAUSU 2:16

Ɓauha mahadisi kayana mana yashirikisao, yalio amba uɓausa wao wayasikao zaidi ha zaidi na iĩɓada.

2 TIMUTAUSU 2:23

Ɓauha malaguzi ya shiujinga kayana mana, ha ujua amba yao uv̄inga umani.

TITUSA 1:16

Wasurongoa amba wasumujua Mungu, ɓadi wasumuhara ha zitrendro zawo. Wafanyiha walaãnifu, kawatuĩ itsokao yotsi, ɓila kawashindri ufanya ata shitrendro ndjema.

TITUSA 3:10

Mutru atsongao mifarikishano, murudi mara ya handra, na ya v̄ili, ɓaanda ya v̄av̄o dziɓause na waye.