2 TIMUTAUSU 3:2 - Ha`bari Ndjema ya I Maore

² Mana watru watsov̄endza ɗe zinafusi zawo, watsotrishilia marike, watsodzirendra, watsodziona, watsoka makufurina, kawatsotuĩ wadzaɗe wawo, kawatsojua zema, kawatsostehi zilio ndzitwaharifu,

2 TIMUTAUSU 3:2 ပူးပေါင်းရင်းမြစ်များ

MATIYO 15:6

v̄av̄o mususomedza amba tsi paka amuhishimu tsena ɓaɓahe au mayahe. Ha izo, wanyu ulatsa urongozi wa Mungu ha siɓaɓu ya mila yanyu.

LUKASI 12:15

Amwesa awaambia piyawo: «Namufahamu, mudzitahadharishe na kula uv̄endzopara, mana uhayati wa mwanadamu kaulawana na uwengi wa imali yahe.»

LUKASI 16:14

Watru wa ishama ya Mafarisayo ukia yawo piya trongo zile, iv̄o wakov̄endza marike, wamutseshea.

LUKASI 6:35

Ɓadi namuv̄endze maãduwi yanyu, namurendre zema, mwazime, ɓila utumainia ata shitru. Na thawaɓu yanyu itsoka ɓole, tsena mutsoka wana wa Monyewe Uju rahana Uju; mana waye mwema ha wao kawamuhimidia, na ha waovu.

MAV̄INGIZI-RISALA 5:36

Mana, nyuma oho mwanapav̄i, Teudasu aka aja, akodzirendra mutru, ata watru wapara aruɓamiya jauleni wakomuɗunga. Ɓadi aulawa, na piya wale wakomuɗunga watsambadziwa, ata kav̄waɓaki itsokao yotsi.

MAROMU 11:18

usudzisifu mbeli za marahi yale yakatrwa. Na neka usudzisifu, usuɗele amba wawe tsi ɗe uv̄ingao umuzi, ɓadi umuzi ɗe uhuv̄ingao.

2 MAKORINTIYO 5:15

Na neka afu ha faida ya piya, v̄av̄o pare wao walio hayi wasuẽshi tsena ha faida yawo wenyewe, ɓadi ha faida ya ule afa, tsena aregezewa hayi ha faida yawo.

MAFILIPI 2:21

Kweli amba wasalia piya wasuzunguha faida zawo wenyewe, ɓadi tsi ɗe za Insa-Kristi.

MAKOLOSIYA 3:5

Ɓasi namuule zitrongo za itaɓia ya shiduniani mulionayo, mauri: uzani, utshafi, taɓia za shahawa, ngushauku mbovu na uv̄endza-upara, ilio sawa na uãɓudu masanamwe.

2 MATESALONIKA 2:4

Uwo ɗe uMukanyusha adzihedzao uju na kula ihiriwao mungu, kula iãɓuduwao, tsena andrao ata aketsi moni mwa iNyumba Ndzitwaharifu ya Mungu, amwesa adzielehe amba ɗe Mungu.

1 TIMUTAUSU 1:20

Hari mwawo ɗe Himeni na Alisandrusa, walio amba tsiwajeledzea Shetwani, ile wafundrihe wasukufuru.

1 TIMUTAUSU 1:9

Risujua raha amba iSharia kayahetsiwa ya watuĩvu, ɓadi ya warendrezi-mbovu na wakaidi, makufari na maãswifu, watru kawastehi dini wala yotsi ya shiungu, maula maɓaɓa na mamama, maangamifu,

1 TIMUTAUSU 3:3

Kalazimu aka mulevi, wala mumani, ɓadi makini, asuke muguguru, wala muv̄endza-marike.

1 TIMUTAUSU 6:10

Mana uv̄endza marike ɗe umuzi wa piya zimbovu. V̄wa ɓaãdhwi walio amba ha ushauku na wizo, wadziɓausa na uaminifu, tsena wadziv̄a ngutungu ha uwengi.

1 TIMUTAUSU 6:4

v̄av̄o ajaya ufahari, kasina yotsi aijuao; ana uwaɗe wa ushindrana na umani hari mwa zikauli. V̄av̄o ɗe v̄udzalishihao uwivu, mashindrano, naza, misingidzio miovu,

2 TIMUTAUSU 3:4

wahaini, wakaidi, watsodziona, watsov̄endza masterehi rahana Mungu.

YAKOƁU 2:8

Ɓila shaka neka musutsimidza isharia ya shiufalume yalawana na uMuangishio amba: «Utsov̄endza munyaho mauri ɗe iwawe yaho», v̄av̄o musufanya ndjema.

YAKOƁU 4:16

Ɓadi av̄asav̄anu, musudziɓua hari mwa maoneyo yanyu. Kula muoneyo mauri ɗe uwo, uwo movu.

YAKOƁU 4:6

Ɓadi asudjaãlia urehema wazidishiha iv̄o uMuangishio urongoao: «Mungu ukanyusha wao wadzionao, ɓadi waye udjaãlia urehema waekevu.»

1 MONYE 5:5

Wanyu wajau mashaɓaɓi, namudzituĩse ha uwaɓole. Piyanyu hari mwa maendreleo yanyu wanyu na wanyu, namudziɓangise uwekevu, mana v̄uangihwa: «Mungu waye kinyume na wao wadzionao, ɓadi waye udjaãlia urehema wahe ha waekevu.»

2 MONYE 2:10

na hususwani wao walio amba shahawa zendza tsama zawo uwav̄inga hari mwa ngushauku za shiuɓinadamu na upuzisa kula yezi. Wao watru wendza usuɓutu, tsena wadzionao. Wao kawariyi utefua ziumbe ndzitukufu za mbinguni,

2 MONYE 2:12

Ɓadi wao, mifano ya zinyama kazina ãkili tsena zahetsiwa ha ɓuumbio lawo amba zisikwe ziangamidziwe, wasutefua izo kawaziji. Ɓasi watsoangamia mauri wizo.

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

2 MONYE 2:3

Ha uv̄endzopara yawo, watsodzifayidisha hanyuju ha marongozi yendza trambo. Hawoju rangu hale, hukuma kayazia ufanya hazi na uangamifu wawo kawalala.

YUDA 1:16

Wao watru wangurumao, waululao na inamuna yawo, tsena wav̄ingwao ha zingushauku zawo wenyewe; hanyo zawo ulagua trongo za zirusi, tsena wao usifu watru ha mupario wawo.

MUV̄ENULIO 13:1

Wakati ule tsiono v̄ulawa ɓaharini shinyama mbovu yakana nyonga kumi na zitswa saɓa. Hari mwa zinyonga zayo v̄uka kemba kumi, na hari mwa zitswa zayo, v̄uka madzina ya shi ukufuru.

MUV̄ENULIO 16:11

Wakomukufuru Mungu Monyewe ziMbingu ha siɓaɓu ya ngutungu zawo na zizondra, ɓadi kawandra toɓa na zitrendrwa zawo.

MUV̄ENULIO 16:21

Vua ɓole yafa ɓwe lilio amba kula moja likana udziro wa shiv̄imo moja ishukia wanadamu ulawa pev̄oni; na wanadamu wamukufuru Mungu ha siɓaɓu ya liɓa la ivua yafa ɓwe, mana lika dziro halisi.

MUV̄ENULIO 16:9

Ɓasi uwanadamu wavuwu ha itsav̄e ɓole yalo; na wao wakokufuru lidzina la Mungu aliona iyezi hari mwa yamaɓa yale, ɓadi kawandra toɓa waja wamutukuza.