2 TIMUTAUSU 2:26 - Ha`bari Ndjema ya I Maore

²⁶ V̄av̄o watsorudi warengeleye fikira, watraliye marambwi ya Iɓilisa aka awasika amba watuĩ mav̄endzeleo yahe.

2 TIMUTAUSU 2:26 ပူးပေါင်းရင်းမြစ်များ

LUKASI 11:21

Neka mutru mwendza nguvu afungiha na zombo zahe asugogea inyumba yahe, imali yahe uhifadhiha.

LUKASI 15:17

Ɓas, ãkili yahe imujilia, adziambia: ‹Warumizi wangav̄i ha ɓaɓangu washilidziwa na zahula, na wami tsa v̄anu amba nisuangamia na ndza!

LUKASI 5:10

Na ɗe ha inamuna ile wajau ɗe waka wanyahe wa Simoni, Yakoɓu na Yuhani wana wa Zuɓudu. Ɓadi Insa amuambia Simoni: «Usuriye, rangu v̄anu utsoloa wanadamu.»

YUHANI 13:2

Na v̄ale, wakati wa shahula ya mahariɓi, Iɓilisa madza aka atria rohoni ha Yudasi Iskarioti, mwana wa Simoni, ifikira ya umuv̄iria nyuma.

YUHANI 13:27

Urenga yahe likutru, na Shetwani amungia kamwe. Ɓas Insa amuambia: «Trongo wendrao uifanye, ifanye ha uharaka.»

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAV̄INGIZI-RISALA 5:3

Sa ile Monye amuambia: «Hananiya, manatrini Shetwani ahungia rohoni haho, ata walaɓa iRoho Ndzitwaharifu ha usika fungu la ikima ya lishamba?

1 MAKORINTIYO 15:34

Ãkili zanyu nazimuregeyeni, musuãswi tsena. Kweli amba v̄wa wasalia kawamuji Mungu. Nisuirongoa ha aĩɓu yanyu.

2 MAKORINTIYO 2:11

ile rasumulishe Shetwani arishindra, mana risujua mipango yahe.

MAEFESO 5:14

mana kula yav̄enulwa ufanyiha heu. Iyo ɗe imana ata v̄urongolwao: «Hima, wawe wasindzia, dzimidze hari mwa uwafu, na Kristi atsohuwalia.»

MAKOLOSIYA 1:13

Arikomboa na yezi ya shidza, ile ariv̄inge hari mwa utawalizi wa uMwana wahe muv̄endzewa,

1 TIMUTAUSU 1:20

Hari mwawo ɗe Himeni na Alisandrusa, walio amba tsiwajeledzea Shetwani, ile wafundrihe wasukufuru.

1 TIMUTAUSU 3:7

Alazimu tsena akane sifa ndzuzuri ha watru wa v̄ondze, ile asuje apuliha hari mwa tuhuma, na hari mwa marambwe ya Iɓilisa.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.