2 TIMUTAUSU 2:25 - Ha`bari Ndjema ya I Maore

²⁵ Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

2 TIMUTAUSU 2:25 ပူးပေါင်းရင်းမြစ်များ

MATIYO 11:29

Namutrihe mulandza wangu, mufundrihe hangu, mana wami mutrulivu, tsena muekevu wa roho; na v̄av̄o wanyu mutsopara uv̄umuzi wa roho zanyu.

MATIYO 21:32

Mana Yahaya Muɓaĩshizi aja hanyu ha umuonesani indzia yarahara, na wanyu kamwamuamini; ɓadi yamaliv̄isa-latete na masusu wamuamini. Na wanyu wala ukana muono izo, ne kamwandra toɓa pare mwamuamini.»

MARKUSI 1:15

Akorongoa: «Wakati wahetsiwa upara, Utawalizi wa Mungu ukuruɓia! Namwendre toɓa, tsena muamini iHaɓari Ndjema!»

YUHANI 5:34

Hanguju tsi ha mwanadamu ɗe niparao ushahidi; ɓadi nisurongoa zini pare wanyu muhuyiwe.

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MAV̄INGIZI-RISALA 2:38

Monye awadjiɓu: «Namwendre toɓa, amwesa kula mutru hari mwanyu naɓaĩshiwe ha lidzina la Insa-Kristi, ile mupare muswamaha wa yamadhambi yanyu; v̄av̄o mutsodjaãliwa ineema ya iRoho Ndzitwaharifu.

MAV̄INGIZI-RISALA 20:21

ha uhira rangu yaMayahudi ata tsi Mayahudi, wazingise roho zawo ha Mungu na umuamini Raɓi watru Insa-Kristi.

MAV̄INGIZI-RISALA 5:21

Ɓaanda wakia trongo zile, asuɓuhi ya handra wangia moni na iNyumba Ndzitwaharifu|Nyumba Ndzitwaharifu, wakosomedza. Ɓas, uMuɓole wa yaMatolezi-Masadaka na wale waka v̄umoja na waye uja yawo, wahiri uMungulidzano wa Waɓole na piya uwatru waɓole wa Israila, amwesa wav̄eleha watru wandre warenge Mav̄ingizi-Risala yale shiv̄ani.

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

MAV̄INGIZI-RISALA 8:22

Ɓasi lisha upeu waho uwo, amwesa umumiye Mola, neka trongo muparihana, ifikira iyo ulionayo rohoni uswamihiweyo.

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

1 TIMUTAUSU 2:4

atsahao amba piya wanadamu wahuyiwe, tsena wapare ujuzi wa ukweli.

1 TIMUTAUSU 6:11

Ɓadi wawe, mutru wa Mungu, trala trongo zizo, ne uɗunge uhaki, iĩɓada, uaminifu, uv̄endza, ustahamilifu, na uwekevu.

2 TIMUTAUSU 3:7

Ha daima watruwashe wao uka ju la usoma, ɓadi kawashindri uwaswili hari mwa ujuzi mukamilifu wa ukweli ata idahari.

TITUSA 1:1

Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

TITUSA 3:2

wasutefuwe mutru atsokao yotsi, wake watrulivu, wasuke waguguru, ɓadi wake wema mbeli za piya wanadamu.

YAKOƁU 1:17

Kula neema ndzuzuri, kula zawadi ndzikamilifu, izo uja ulawa uju oho ha Ɓaɓa Monyewe uumba zinuru ya shimbinguni, alio amba haheju kav̄u mugaudzio, wala mungio shidza.

1 MONYE 3:15

Ɓadi namumuhetsi Kristi rohoni hanyu amba Raɓi. Ha daima namuke tayari ya udifaĩ itama mulionayo moni hanyu, mbeli za yotsi atsotsahao ajuwe,

1 YUHANI 5:16

Neka mutru asuona munyahe wa shi uaminifu afanyao dhambi kaliv̄ingi hari mwa ufa, nafanye mamilio, na v̄av̄o Mungu atsov̄a uhayati mwananya uwo. Iyo isurongoa ɗe wao wafanyao madhambi yalio amba kayav̄ingi hari mwa ufa. V̄wa dhambi liv̄ingao hari mwa ufa. Tsi ɗe lilo ɗe nirongoao amba mutru amiliye.