2 TIMUTAUSU 2:2 - Ha`bari Ndjema ya I Maore

² Na izo wazikia na wami mbeli za wengi wa mazahidi, zidhwaminishe ha watru waaminifu watsoshindrao wazisomedze wajau wangina.

2 TIMUTAUSU 2:2 ပူးပေါင်းရင်းမြစ်များ

MATIYO 13:52

Ɓas awaambia: «Iyo ɗe imana, kula fundi wa Sharia asomedzewa zahusu Utawalizi wa Monyewe ziMbingu, ujua afanisiwe na monyewe nyumba arengao hari mwa dafine yahe zitru pia na za hale.»

MATIYO 24:25

Tsini, tsimujudzani rangu kaɓula.

LUKASI 12:42

Raɓi arongoa: «Uv̄i ɗe murumizi mwaminifu mwendza hikima murumisa wahe atsomudjukumisao muraɓa wahe, ile av̄e warumizi wanyahe zahula wakati wahetsiwa?

1 MAKORINTIYO 4:2

V̄av̄o, trongo itsahwao ha dhwamana, ɗe waye uka muaminifu.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

2 MAKORINTIYO 3:5

Ɓila tsi amba ha iwasi yatru ɗe rishindrao ridzihetsiye itsokao yotsi amba yalawa ha wasi wenyewe, ɓadi ushindzi watru ulawa ha Mungu.

MAKOLOSIYA 1:7

Muupara ha Eɓafrasu, munyatru wa hazi muv̄endzewa, alio murumishi muaminifu wa Kristi ha tanafu yanyu,

1 TIMUTAUSU 1:12

Nisumuhimidia Kristi-Insa Raɓi watru, uwo anihodarisha iv̄o aniona muaminifu ha unidjukumisa hari mwa urumishi,

1 TIMUTAUSU 1:18

liSariɓu nihuv̄aolo mwana wangu Timutausu, ha uɗunga marongozi ya shi mutrume yashukidziwa nyuma oho yahuhusu wawe, ɗe amba ulawana na yao, uwane ikondro ndjema,

1 TIMUTAUSU 4:14

Usurumiye ha ushiɗa ineema ya urehema ilio moni haho, wadjaãliwayo ha marongozi ya shi mutrume yashukidziwa wakati wakadzwa yimihono na uwaɓole wa iDjama Ndziwaminifu.

1 TIMUTAUSU 4:6

Wamoeleha zizo ha uwananya wa shi uaminifu, v̄av̄o utsoka murumishi mwema wa Kristi-Insa alisiwao ha marongozi ya uaminifu na umusomo mwema ulio amba uuɗungu ha uzuri.

1 TIMUTAUSU 5:22

Usudzihafilishe udhwaminisha mutru atsokao yotsi ha mukadzio-mihono, wala usurenge fuvu hari mwa dhambi la wangina. Wawe ha wawe, dzisike muraharifu.

1 TIMUTAUSU 6:12

Wanilia ikondro ndjema ya uaminifu, usike uhayati wa daima ulio amba uhiriwa uke nawo, na ha uwo ɗe wafanya mukuɓalisho mwema mbeli za mazahidi ha uwengi.

2 TIMUTAUSU 3:10

Ɓadi wawe, uniɗungu ha uzuri hari mwa musomo, maendreleo, mipango, uaminifu, suɓira, uv̄endza, ustahamilifu,

2 TIMUTAUSU 3:14

Ɓadi wawe, ɓaki hari mwa izo wasoma, wazikuɓali v̄umoja na yakini; usujua ha mbani ɗe wazisoma,

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.