2 TIMUTAUSU 2:16 - Ha`bari Ndjema ya I Maore

¹⁶ Ɓauha mahadisi kayana mana yashirikisao, yalio amba uɓausa wao wayasikao zaidi ha zaidi na iĩɓada.

2 TIMUTAUSU 2:16 ပူးပေါင်းရင်းမြစ်များ

1 MAKORINTIYO 15:33

Musudzidanganye: «Uka v̄umoja na waovu, uangamidza taɓia ndjema.»

1 MAKORINTIYO 5:6

Kaina ata mana wanyu udziona. Hali kamusujua amba mwana lalive mutiti ushindra afumuwe piya uunga wa muhare?

1 TIMUTAUSU 1:9

Risujua raha amba iSharia kayahetsiwa ya watuĩvu, ɓadi ya warendrezi-mbovu na wakaidi, makufari na maãswifu, watru kawastehi dini wala yotsi ya shiungu, maula maɓaɓa na mamama, maangamifu,

1 TIMUTAUSU 4:7

Ɓadi ɓauha mahadisi ya shidunia yao ya shikitaɓi-koko, ne udzishahilise na trongo za shiĩɓada.

1 TIMUTAUSU 6:20

He Timutausu, sika trongo wadhwaminishiwayo. Dziɓause na malaguzi kayana mana yashirikisao, na mashindrano yajao ha ujuzi wa trambo.

2 TIMUTAUSU 2:14

Nahanidza wanyaho trongo zizo na osia mbeli za Mungu watrale mashindrano ya makalima, trongo kaina faida itsokao yotsi, neka tsi uangamidza wao wayavulishiao.

2 TIMUTAUSU 2:21

Ɓasi neka mutru asudzirahatsa ha udziɓausa na trongo zizo, atsoka shiya ya urumishi wa sheo, yatwaharishiwa, imufayio Monyewe, tayari ya kula urumishi mwema.

2 TIMUTAUSU 3:13

Ɓadi waovu na wanafiki watsendra ha uzidishiha na uovu, ha wao upoteza wasalia na udzipoteza wao wenyewe.

TITUSA 1:11

Walazimu waɓalwe zihanyo. Wao uangamidza miraɓa mikamilifu ha usomedza trongo kazalazimu; na iyo, ile wapare faida zendza aĩɓu.

TITUSA 1:14

ɓadi wasushahilihe na mahadisi yatrungwa ya shiUyahudi na ãmuri za watru wapotezao ukweli.

TITUSA 3:9

Ɓadi ɓauha mashindrano ya shiujinga, zinaswaɓa, ngumani, mifarikishano hari mwa iSharia, mana izo kazina mana wala faida.

MAHEƁRANIYA 12:15

Namuke hashiri amba v̄usuke ata mutru ahara urehema wa Mungu; v̄usuke ata muzi wendza nyongo wamea wataãɓisha, trongo ilio amba itsorandra, itupiye watru wengi.

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

2 MONYE 2:2

Wengi watsowaɗunga hari mwa taɓia mbovu zawo, na ha siɓaɓu ya wao, indzia ya ukweli itsonaziwa.

MUV̄ENULIO 13:14

Yakodanganya uwakazi wa ishiv̄andre ya tsi ha ziãlama za midjuza yaka yav̄olwa izifanye mbeli za ishinyama mbovu ya handra ile, ha uambia uwakazi wa ishiv̄andre ya tsi wafanye sanamwe la ishinyama ile yaka yakodza ha upanga, amwesa yaka yav̄ona, yaẽshi.

MUV̄ENULIO 13:3

Moja hari mwa zitswa zayo ika mauri yakotsaha iulawe, ɓadi lidjaraha la shi ukatili lika liangala. Hari mwa ushangavu piya ulemengu uɗungu shinyama mbovu ile.