2 TIMUTAUSU 2:10 - Ha`bari Ndjema ya I Maore

¹⁰ Iyo ɗe imana ata nistahamilio piya zitrongo, ha faida ya wao watsahulwa, ile wao wajau wapare uhuyifu ulio ha Kristi-Insa, v̄umoja na utukufu wa daima.

2 TIMUTAUSU 2:10 ပူးပေါင်းရင်းမြစ်များ

MATIYO 24:22

Na djeli zisuku za ãdhaɓu zizo kazaka zav̄ungudziwa, kav̄usi ata mutru atsohuyiwao; ɓadi ha siɓaɓu ya uwatru watsahulwa, suku zizo zitsov̄ungudziwa.

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 24:31

Ha ɓaragumu ɓole atsov̄eleha malayika zahe hari mwa zinyonga nne za ishiv̄andre ya tsi, ile zingulidze watsahulwa wahe, ulawa kotso ata kotso ya uwingu.»

LUKASI 18:7

Hali Mungu katsov̄a haki watru wahe awatsahua, wamuliliao mauku na mitsana? Hali atsohoma uwadjiɓu?

LUKASI 22:57

Ɓadi Monye ahana ha urongoa: «Ɓweni, wami tsimuji.»

YUHANI 11:52

wala tsi ɗe inishani yawo tu, ɓadi tsena pare atsanganise piya uwana wa Mungu watsambaliha, wafanyishihe shitru moja.

YUHANI 17:24

Ɓaɓa, natsov̄endza v̄ahanu nilio wao waniv̄awo wake wajau na wami, pare waone utukufu wangu, utukufu waniv̄awo iv̄o waniv̄endza kaɓula ya lidunia uumbwa.

YUHANI 17:9

Wao ɗe niwamiliao. Tsisumilia ulemengu, ɓadi ɗe wao waniv̄awo, mana wao waho.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MAROMU 9:23

Au tsena, neka atsaha aonese utadjirifu wa utukufu wahe ha ziziya za urehema azitayarisha rangu kaɓula amba zike za utukufu?

1 MAKORINTIYO 1:21

Kweli amba ha iv̄o hari mwa ihikima ya Mungu ulemengu kawamujua ha ihikima yawo, Mungu waye aono afudhwali ha ndzia ya ujinga wa umujudzio wa umuri wa pawa ahuyi wao waaminio.

1 MAKORINTIYO 9:22

Ha tsi wahodari tsifanyishiha tsi muhodari, ile nipare wao tsi wahodari. Tsidzifanya kula namuna ha piya, ile ha kula namuna nihuyi ɓaãdhwi.

2 MAKORINTIYO 1:6

Neka ra hari mwa taãɓu, ɗe ha umutrulidzio wanyu na ukombofu wanyu; neka ritrulidziwa, ɗe ha siɓaɓu ya umutrulidzio wanyu utsomuv̄ingaoni ata mustahamili hari mwa matungu ɗe yao-yao na yatru.

2 MAKORINTIYO 12:15

Na wami nitsotoa ha umo warahara, tsena nitsodzitoa ata iwami yangu ha tanafu yanyu. Hali neka nisuv̄iria umuv̄endzani, v̄av̄o nitsov̄endzewa ha ushashi?

2 MAKORINTIYO 4:15

Piya zizo ɗe ha siɓaɓu ya wanyu pare irehema, ha uendra na ujilia indadi zaidi na zaidi ya watru, izidishe umuhimidio, ha utukufu wa Mungu.

2 MAKORINTIYO 4:17

Mana zitaãɓu ndzangu za leo ziriparao, zisuridzalia ha indadi kaina mupaka utukufu wa daima.

MAEFESO 3:13

Ɓasi nisumumiani, musupuhe ɓari na maondo niyav̄iriao ha siɓaɓu ya wanyu: yao ɗe utukufu wanyu.

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

1 MATESALONIKA 5:9

Mana Mungu karilisha amba wa hadhaɓu zahe, ɓadi ripare uhuyifu ha ndzia ya Raɓi watru Insa-Kristi,

2 MATESALONIKA 2:14

Ɗe ha izo tsena ɗe amuhirani ha indzia ya Indjili yatru, ile mupare utukufu wa Raɓi watru Insa-Kristi.

2 TIMUTAUSU 1:1

Wami Ɓaulusu, Muv̄ingizi-Risala wa Kristi-Insa ha yamav̄endzeleo ya Mungu ya ujudza wahadi wa uhayati ulio ha Kristi-Insa,

2 TIMUTAUSU 2:1

Ɓasi wawe, mwana wangu, dzihodarishe hari mwa irehema iparihanao ha Kristi-Insa.

2 TIMUTAUSU 2:3

Ondesheha [v̄umoja na wami], mauri muwanizi mwema wa Kristi-Insa.

TITUSA 1:1

Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

1 MONYE 2:10

Wanyu mulio amba hale hule kamwaka umati, av̄asa mufanyiha umati wa Mungu; wanyu mulio amba kamwaka mwapara urehema, av̄asa mupara urehema.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.