2 TIMUTAUSU 1:5 - Ha`bari Ndjema ya I Maore

⁵ Nisunahana wajau uaminifu wa kweli ulionawo, ulio amba uka kaɓula ha kokwaho Loyisi na ha mayaho Eunisia, na wami tsina yakini amba uwo wa hahoju wajau.

2 TIMUTAUSU 1:5 ပူးပေါင်းရင်းမြစ်များ

YUHANI 1:47

Wakati Insa amuona Natanaeli iv̄o akomujilia, arongoa ju lahe: «Tsunu Muisraila wa kweli, alio amba haheju kav̄u udjandja.»

MAV̄INGIZI-RISALA 16:1

Ɓaanda ya v̄ale Ɓaulusu andre ata Derɓi na Listra. Na hule v̄uka swihaɓa akohiriwa Timutausu, mwana mutruɓaɓa wa mutrumushe Muyahudi muaminifu, ɓadi ɓaɓahe kaka Muyahudi.

MAV̄INGIZI-RISALA 26:26

Mufalume asujua trongo zizo, amwesa nisumulaguliazo ha unafasi; tsina yakini amba hari mwa trongo zini kav̄u kaiji, mana kazav̄ira ha siri.

MAROMU 14:14

Nisujua tsena tsina yakini ha uv̄umoja wangu na Raɓi Insa, amba kav̄u ata shitru ilio nagisi ha iwayo yayo; ɓadi neka mutru asuona amba shitru ya nagisi, v̄av̄o ya nagisi na ule aionao nagisi.

MAROMU 14:5

V̄wa waonao amba v̄wa suku muhimu rahana zaɓaki, v̄wa wangina wazionao amba piya sawa. Ɓasi kula mutru nawafiku rohoni na iheli aonao.

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

MAROMU 4:21

ha iv̄o awafiku amba Mungu ushindra atsimidze izo amutolea wahadi.

MAROMU 8:38

Mana tsiwafiku amba kav̄u ishindrao iritsapuwe na uv̄endza yahe: tsi ɗe ufa wala uhayi, tsi ɗe zimalayika wala ngushindzi zangina, tsi ɗe za leo wala za meso, tsi nguvu zitsokao yotsi,

2 MAKORINTIYO 6:6

hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli,

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

1 TIMUTAUSU 4:6

Wamoeleha zizo ha uwananya wa shi uaminifu, v̄av̄o utsoka murumishi mwema wa Kristi-Insa alisiwao ha marongozi ya uaminifu na umusomo mwema ulio amba uuɗungu ha uzuri.

2 TIMUTAUSU 1:12

Na iyo ɗe imana ata niparwao na maondo yanu, ɓadi tsisuyaonea haya, mana nisujua uwo namuamini, tsena tsina yakini amba ana ushindzi wa usika iyo nadhwaminishiwayo ata mupaka Suku iyo.

2 TIMUTAUSU 3:15

na rangu unatsani haho, usujua yiMiangishio Mitwaharifu; yiyo ushindrohuv̄a ihikima iv̄ingao uhuyifu, ha ndzia ya uaminifu ulio hari mwa uv̄umoja na Kristi-Insa.

MAHEƁRANIYA 11:13

Ɗe hari mwa uaminifu ɗe piya watru wao wafa, ɓila upara trongo waka watolewa wahadi, ɓadi wakoziona, tsena wakozishangiria rangu mbali, ha ukuɓali amba wa wadjeni na watru wav̄irao na ndzia shiv̄andreju mwa tsi.

MAHEƁRANIYA 6:9

Wala ukana risulagua namuna iyo, yahusu wanyu wav̄endzewa, rina yakini amba mwa hari mwa indzia ndjema, ne ɗe ya uhuyifu.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.