2 TIMUTAUSU 1:3 - Ha`bari Ndjema ya I Maore

³ Nisumuhimidia Mungu nimurumishiao ha roho ndziraharifu ɓila tuhuma, mauri ɗe wadzaɗe wangu, namohunahana hari mwa mamilio yangu kula sa, uku na mutsana.

2 TIMUTAUSU 1:3 ပူးပေါင်းရင်းမြစ်များ

LUKASI 2:37

Ufiliwa yahe na mume wahe, aɓaki mutsumba ata v̄anu atsimu maha thamanini na minne. Kakolawia iNyumba Ndzitwaharifu, ɓadi aka hari mwa ĩɓada mauku na mitsana ha ufunga na umia Mungu.

MAV̄INGIZI-RISALA 22:3

«Wami Muyahudi nadzalwa Tarsisi hari mwa liɓavu la Silisiya, ɓadi tsilelesheha Yerusalemu. Ɗe ha uketsi mindruni ha Djamalayilu, ɗe nasomedzewa niɗunge umunofu wa iSharia ya wadzaɗe watru. Tsikana djitihadi ya kusudi na Mungu, mauri ɗe inamuna piyanyu mulionayo ileo ini.

MAV̄INGIZI-RISALA 23:1

Wakati ule Ɓaulusu areme matso uMungulidzano wa Waɓole|Mungulidzano wa Waɓole, amwesa arongoa: «Wananyangu, ɗe ha roho yarahara mbeli za Mungu ɗe nadziv̄inga ata upara ileo ini.»

MAV̄INGIZI-RISALA 24:14

Ɓadi nisuhukuɓalia amba wami umuãɓudu Mungu wa wadzaɗe watru, ha uɗunga iNdzia waihirao dini ya unafiki, tsena wami uamini piya zaangihwa moni na iSharia na yimitrume.

MAV̄INGIZI-RISALA 24:16

Iyo ɗe imana nidzifarudhishao amba ha dahari roho yangu irahare mbeli za Mungu na mbeli za wanadamu.

MAV̄INGIZI-RISALA 26:4

iHeli nadziv̄inga rangu ushaɓaɓiju hangu piya Mayahudi wasuijua, ha iv̄o naẽshi rangu mwandroni v̄umoja na wananya wa inaswila yangu ɗagoni Yerusalemu.

MAV̄INGIZI-RISALA 27:23

Mana uku v̄anu v̄univ̄enushia malayika ya Mungu alio amba wami wahe, tsena nisumurumishia.

MAROMU 9:1

Hari mwa uv̄umoja wangu na Kristi, nisurongoa ikweli, tsisurongoa trambo, tsena inafusi yangu yav̄ingwa na iRoho Ndzitwaharifu isuishadidisa:

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

MAGALATWIYA 1:14

Hari mwa itrongo ya uɗunga idini ya shi Uyahudi, nakov̄iria hirimu zangu nyengi wa kaɓila moja na wami, mana tsikana djitihadi ɓole zaidi na zimila za wadzaɗe wangu.

MAEFESO 1:16

tsisuzia uhimidia ha siɓaɓu ya wanyu na umuvumbuani hari mwa mamilio yangu.

1 MATESALONIKA 3:10

Uku na mutsana risufanya mamilio v̄umoja na djitihadi pare rije rimuoneni, ile ritsimidze izo zakosa hari mwa uaminifu wanyu.

1 TIMUTAUSU 1:19

ha usika uaminifu v̄umoja na roho ndziraharifu ɓila tuhuma. V̄wa ɓaãdhwi walio amba wahara uvulishia likoho la unamuzi lawo, na ha izo uaminifu wawo uroro.

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

1 TIMUTAUSU 5:5

Mutrumushe afiliwa wa kweli alio amba aɓaki weke, ahetsi tama yahe ha Mungu, amwesa waye uendrelea ha hadja na mamilio uku na mutsana.

2 TIMUTAUSU 1:5

Nisunahana wajau uaminifu wa kweli ulionawo, ulio amba uka kaɓula ha kokwaho Loyisi na ha mayaho Eunisia, na wami tsina yakini amba uwo wa hahoju wajau.

2 TIMUTAUSU 3:15

na rangu unatsani haho, usujua yiMiangishio Mitwaharifu; yiyo ushindrohuv̄a ihikima iv̄ingao uhuyifu, ha ndzia ya uaminifu ulio hari mwa uv̄umoja na Kristi-Insa.

MAHEƁRANIYA 13:8

Insa-Kristi a ɗe waye-waye, jana, leo, na daima.