2 TIMUTAUSU 1:10 - Ha`bari Ndjema ya I Maore

¹⁰ iRehema iyo iv̄enulwa av̄asa ha umujilio wa Muhuyifu watru Kristi-Insa, alio amba ashindri uufa, tsena atria heuni uhayati kauna ufa, ha iIndjili.

2 TIMUTAUSU 1:10 ပူးပေါင်းရင်းမြစ်များ

LUKASI 11:36

Ɓasi neka amba piya umwili waho wa hari mwa heu, amba kav̄u kutru lilio hari mwa shidza, v̄av̄o piyawo utsooneshewa, mauri ɗe iheli kombe lihuonesheao ha iheu yalo.»

LUKASI 13:7

Ɓas, aambia mulimizi mizaɓiɓu aka v̄ale: ‹Unu mwaha wa raru rangu nijao na utsaha mbia za mufigiye unu, wala tsisupara; ukatre; mana trini utsorumiao ishiv̄andre ya tsi ɓure?›

LUKASI 2:11

Mana leo ini, hari mwa liɗago la Daudu, mudzaliwa Muhuyifu, ne ɗe Kristi, Raɓi watru.

YUHANI 1:9

Uwo ɗe inuru ya kweli iwaliao kula mwanadamu ɗe yakoja ulemenguni.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 20:31

Ɓadi zini ziangihwa pare muamini amba Insa ɗe Mutsahuliwa, uMwana wa Mungu, na ha uamini, mukane uhayati ha lidzina lahe.

YUHANI 4:42

Amwesa wamuambia mutrumama ule: «Av̄asa tsi ɗe ha siɓaɓu ya marongozi yaho ɗe raamini, ɓadi rimukia wasi wenyewe, tsena risujua amba kweli waye ɗe uMuhuyifu wa ulemengu.»

YUHANI 5:40

Wala kamusukiri mwanijilia pare mwakana uhayati.

MAV̄INGIZI-RISALA 13:23

Ɗe hari mwa zizilembwe za Daudu ɗe Mungu, ha ulawana na uwahadi wahe, av̄ingia Israila Muhuyifu, ne ɗe Insa.

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

MAROMU 16:26

ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MAROMU 3:31

Hali v̄av̄o, risulalusa iSharia ha siɓaɓu ya uaminifu? Ata hata! Ɗe ikinyume, v̄av̄o risuhakikisha iSharia.

MAROMU 6:6

Risujua amba utru watru wa ãswili uremwa mizumari v̄umoja na waye hari mwa umuri wa pawa, ile itaɓia ndziãswifu yatru iangamidziwe, rasuke tsena warumwa wa dhambi.

1 MAKORINTIYO 15:26

Na iãduwi ya mwiso ya uangamidziwa ɗe ufa.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

2 MAKORINTIYO 5:4

Ɓaanda rilio hari mwa liɓanga la haima la shi ulemenguni lini, risuulula ha udziro wa umudzo rautrika, wala tsi amba risutsaha ritsulwewo, ɓadi ripindrisiwe inyumba ya pev̄oni ile, pare ile ilio mufa, imedzwe na uhayati.

MAGALATWIYA 5:4

Muɓauhana na Kristi, wanyu mutsahao muhakisho mbeli za Mungu ha ndzia ya iSharia; mulawa hari mwa urehema.

MAEFESO 1:18

Naonesheye matso ya roho zanyu, pare mujuwe tama trini ifunganao na umuhirio wahe, na namuna jeje ulio utadjirifu mutukufu wa umwaratha wahe ulio ha uwatwaharifu,

MAEFESO 1:9

Arijudza iãdjaɓu ya mav̄endzeleo yahe, ne ɗe umupango wa mav̄endzeleo yahe yamujiv̄ia adzitayarishawo rangu kaɓula autsimidze ha indzia ya Kristi,

2 MATESALONIKA 2:8

V̄av̄o iv̄o, uMovu atsov̄enuha, alio amba Raɓi Insa atsomuangamidza ha pumu za ihanyo yahe, atsomuzima hatwi ha umuwalio wa umujilio wahe.

2 TIMUTAUSU 1:1

Wami Ɓaulusu, Muv̄ingizi-Risala wa Kristi-Insa ha yamav̄endzeleo ya Mungu ya ujudza wahadi wa uhayati ulio ha Kristi-Insa,

2 TIMUTAUSU 1:8

Ɓasi usuone haya umulawia ushahidi Raɓi watru, wala wami nilio mufungwa ha siɓaɓu ya waye, ɓadi ondesheha v̄umoja na wami ha tanafu ya iIndjili, ha ushindzi wa Mungu.

2 TIMUTAUSU 4:1

Nisuhurayi mbeli za Mungu na mbeli za Kristi-Insa atsohukumuo wao walio hayi na wao wafa, tsena ha siɓaɓu ya umuv̄enulio wahe na utawalizi wahe, amba:

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

TITUSA 2:11

Mana irehema ya Mungu iv̄ingao uhuyifu ha piya wanadamu, iv̄enuha.

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

TITUSA 3:4

Ɓadi wakati uwema wa Mungu Muhuyifu watru na uv̄endza yahe uwanadamu zav̄enuha,

MAHEƁRANIYA 10:32

Namunahane tu suku za handra ɓaanda mwaunishiwa, mustahamili kondro ɓole yendza maondo.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

2 MONYE 1:11

V̄av̄o ɗe mutsodjaãliwao ha unafasi umungilio hari mwa utawalizi wa daima wa Raɓi amma Muhuyifu watru Insa-Kristi.

2 MONYE 1:3

Ushindzi wa shiungu wahe uriv̄a piya zalazimu uhusu uhayati na ĩɓada, ha urijudza Monyewe urihira ha utukufu na uwema wahe monyewe.

2 MONYE 2:20

Kweli amba neka ɓaanda walawa hari mwa zitsama za shiulemenguni ha umujua Insa-Kristi Raɓi amma Muhuyifu watru, wadzilishi washindrwa raha na wizo, ihali ya mwiso yawo uka mbovu rahana ya handra.

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.

2 MONYE 3:2

pare munahane marongozi yarongolwa rangu kaɓula na yimitrume mitwaharifu, na iãmuri mwajudziwayo na Mav̄ingizi-Risala yanyu, ãmuri ya Uwo alio Raɓi amma Muhuyifu.

1 YUHANI 1:2

Mana uhayati uwo uv̄enuha; wasi riuono, risuulawia ushahidi, tsena risumujudzani uhayati mukamilifu wa daima waka ha waye Ɓaɓa, amwesa wariv̄enushia.

1 YUHANI 4:14

Na wasi riono, tsena risulawa ushahidi amba Ɓaɓa av̄eleha uMwana amba Muhuyifu wa ulemengu.

MUV̄ENULIO 18:1

Ɓaanda ya v̄ale tsiono malayika yangina yakoshuka ulawa pev̄oni. Ikana yezi ɓole, na ishiv̄andre ya tsi iwaliwa na utukufu wayo.

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

MUV̄ENULIO 20:14

Amwesa ufa na Uzimu wa wafu zivutswa moni na lidzaha la moro. Uwo ɗe ufa wa v̄ili, lidzaha la moro.

MUV̄ENULIO 22:14

Waɓarikishiha wao wafuao nguo zawo, ile wakane haki hari mwa umuri wa uhayati, tsena wangiye ɗagoni ha uv̄ira milongoju.

MUV̄ENULIO 22:17

iRoho na umushe-harusi wasurongoa: «Ko!» Uwo akiao narongowe: «Ko!» Mwendza nyora naje; uwo atsahao, narenge maji ya uhayati, ɓila uliv̄a.