2 MONYE 3:16 - Ha`bari Ndjema ya I Maore

¹⁶ Iyo ɗe itrongo airongoao moni na piya maɓarua yalio amba asulagua trongo zizo. Moni v̄wawo v̄usuparihana trongo zilio ndziro za uelewa, zilio amba watru kawaji tsena tsi wahodari ugaudza imana yazo, mauri ɗe inamuna wafanyao wajau na yiMiangishio yasalia, ha uangamifu wawo wenyewe.

2 MONYE 3:16 ပူးပေါင်းရင်းမြစ်များ

MATIYO 15:3

Awadjiɓu: «Ẽhẽ wanyu, manatrini mutadio iãmuri ya Mungu ha uɗunga mila yanyu?

MATIYO 15:6

v̄av̄o mususomedza amba tsi paka amuhishimu tsena ɓaɓahe au mayahe. Ha izo, wanyu ulatsa urongozi wa Mungu ha siɓaɓu ya mila yanyu.

MATIYO 22:29

Sa ile Insa awadjiɓu: «Wanyu mulatsiha, mana kamusuelewa, tsi ɗe uMuangishio Mutwaharifu, wala tsi ɗe ushindzi wa Mungu.

MAFILIPI 3:19

uMwiso wawo ɗe uangamifu; mungu wawo ɗe mimba zawo, wao uv̄a utukufu ile iwapatsao aĩɓu, na fikira zawo za shiulemenguni.

MAHEƁRANIYA 5:11

Hari mwa trongo iyo, rina nyengi za urongoa zilio ndziro za ueledza, ha iv̄o mwafanyiha wadziro wa uelewa.

YAKOƁU 1:8

Uwo mutru mwendza roho yaãnisiha, kakana yakini hari mwa piya izo azifanyao.

1 MONYE 1:1

Wami Monye, Muv̄ingizi-Risala wa Insa-Kristi, ha wao watsahulwa waẽshio shi wadjeni, tsena watsambadziwa hari mwa yimikaɓala ya Pontusu, Galatwiya, Kapadokiya, Aziya na Ɓitiniya.

1 MONYE 2:8

Na tsena: «Ɓwe likwalisao, ɓwe-monye liusao.» Wao ulikwala, mana kawasutuĩ Urongozi. Na iyo ɗe itrongo wahetsiwayo.

2 MONYE 2:1

Ɓadi v̄uka wajau hari mwa umati wa Israila wendza trambo wakodzifanya amba washukidziwa marongozi; ɗe namuna iyo wajau hari mwanyu v̄utsoka mafundi ya trambo watsotriao ha siri misomo miangamifu, watsendrao ata wahare Monyewe uwakomboa. Watsodzivuria uangamifu wa hafula.

2 MONYE 2:14

Matso yawo yajaya uzindzi, wao kawakura maãswi. Wao usika hari mwa utra wale kawasi wahodari fikirani. Roho zawo hodari hari mwa uv̄endza upara. Wao malaãnifu!

2 MONYE 3:14

Ha izo wav̄endzewa wangu, iv̄o mulindrao trongo zizo, namufanye djitihadi muparihanihe na waye ɓila pandra wala kosa hari mwa amani.

2 MONYE 3:2

pare munahane marongozi yarongolwa rangu kaɓula na yimitrume mitwaharifu, na iãmuri mwajudziwayo na Mav̄ingizi-Risala yanyu, ãmuri ya Uwo alio Raɓi amma Muhuyifu.

YUDA 1:4

Mana v̄udziseledza hari mwanyu ɓaãdhwi ya watru walio amba hukuma yawo iangihwa rangu kaɓula. Wao wakufuru wagaudzao urehema wa Mungu watru ha uufanya shisa ya taɓia mbovu, na umuhara Insa-Kristi, alio weke wahe Fundi watru amma Raɓi.