2 MONYE 2:13 - Ha`bari Ndjema ya I Maore

¹³ V̄av̄o watsovuna mbovu amba shiliv̄o ya zimbovu wazirendra. Wao upara ladha yawo wamodzieleha hari mwa ngulevi zawo, mutsana wa nyombe na mbuzi. Wamoka v̄umoja na wanyu hari mwa zikaramu, wao uka mauri mav̄andra na tsama, tsena ujiv̄iwa na unafiki wawo.

2 MONYE 2:13 ပူးပေါင်းရင်းမြစ်များ

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

MAEFESO 5:27

pare adzielesheye waye monyewe iDjama Ndziwaminifu ndzitukufu iyo kaina pandra ɓila mufiro, wala itsokao yotsi mufano wazo, ɓadi ndzitwaharifu kaina kosa.

MAFILIPI 3:19

uMwiso wawo ɗe uangamifu; mungu wawo ɗe mimba zawo, wao uv̄a utukufu ile iwapatsao aĩɓu, na fikira zawo za shiulemenguni.

2 TIMUTAUSU 4:14

Mufua-zuma Alisandrusa anirendre mbovu ha uwengi; Mola ɗe atsomuliv̄ao na izo azirendra.

YAKOƁU 5:5

Muẽshi shiv̄andreju mwa tsi ha masterehi na mujiv̄idzio. Mudzinyeresa nafusi ha isuku ya utsindzwa.

1 MONYE 4:4

Isuwashangidza amba kamusendra tsena mbio v̄umoja na wao hari mwa trongo za shi ushirikina zatupa zile, ɓasi wasumushekedzani.

2 MONYE 2:15

Ɓaanda waɓauha indzia yaondzoha, wapotea ha uɗunga indzia ya Ɓalahamu, mwana wa Ɓeuri, alio amba akov̄endza shiliv̄o tsi ya haki.

MUV̄ENULIO 18:6

Namumurendre mauri ɗe namuna arendra, namumuliv̄e ata mara mbili izo afanya. Moni mwa ishikombe aɓuhudza, namumuɓuhudziye ata mara mbili.