2 MONYE 1:19 - Ha`bari Ndjema ya I Maore

¹⁹ Na v̄anu risusika hodari zaidi urongozi washukidziwa, ulio amba mutsofanya ndjema mwamoustamia, mauri kombe liwalao v̄ahanu v̄wendza shidza, ata uku wamojosha na inyora ya alifadjiri iheye rohoni hanyu.

2 MONYE 1:19 ပူးပေါင်းရင်းမြစ်များ

MATIYO 4:16

Umati ulio shidzani uono nuru ɓole, na wao waka hari mwa umukaɓala wa ishivuli ya ufa, nuru iwawalia.»

YUHANI 5:35

Yahaya aka mwenge wakovua na uwala, na wanyu muka mukuɓali ufurahi mwana muda hari mwa iheu yahe.

YUHANI 5:39

Wanyu utwali yiMiangishio Mitwaharifu mana musufikiri amba ha wiyo, muna uhayati mukamilifu wa daima. Ne ɗe wiyo-wiyo ɗe yinilawiao ushahidi.

YUHANI 8:12

Ɓas, Insa alagua na idunia ile raha, awaambia: «Wami ɗe inuru ya ulemengu. Monyewe uniɗunga, ata suku ne katsendra shidzani, ɓadi atsokana inuru iv̄ao uhayati.»

MAV̄INGIZI-RISALA 15:29

ne ɗe wanyu udzizia uɗya nyama zatolewa sadaka masanamwe, na damu, na zinyama zaulawa ha uɓalwa pumu, na wanyu udzizia na zitaɓia mbi za shahawa. Mutsofanya ndjema neka mudzizia na trongo zizo. Namukwaheri.

MAV̄INGIZI-RISALA 17:11

Watru wao waka hairi rahana wa Tesalonika wale. Warenge uUrongozi wa iRisala|Risala ha djitihadi ɓole, tsena kula suku wakotwali yiMiangishio Mitwaharifu ha udhiɓitisha zile wakoambilwazo.

MAHEƁRANIYA 2:2

Mana neka urongozi wajudziwa na zimalayika udhiɓitishiha, na neka kula uvundzifu-Sharia na kula tsiutuĩvu zipara ãdhaɓu za haki,

YAKOƁU 2:8

Ɓila shaka neka musutsimidza isharia ya shiufalume yalawana na uMuangishio amba: «Utsov̄endza munyaho mauri ɗe iwawe yaho», v̄av̄o musufanya ndjema.

1 MONYE 1:10

Uhuyifu uwo, yimitrume yakojudza marongozi washukidziwa ju la urehema mwahetsiwa, yiutwalia na uzunguha ikweli yawo.

1 YUHANI 5:10

Mutru aaminio uMwana wa Mungu, waye ukana ushahidi uwo moni hahe. Uwo kasuamini Mungu, asumufanya munafiki, iv̄o kasuamini ushahidi Mungu autoa ju la uMwana wahe.

3 YUHANI 1:6

Wao walawa ushahidi mbeli za iDjama Ndziwaminifu iuv̄endza yaho. Utsofanya fetre neka uwasaidi amba waendreleye na musafara wawo, ha namuna yastahiki Mungu.

MUV̄ENULIO 2:28

Tsena nitsomuv̄a inyora ya alifadjiri.

MUV̄ENULIO 22:16

Wami Insa tsimuv̄elesheani malayika yangu imutoleyeni ushahidi trongo zini zahusu ziDjama Ndziwaminifu. Wami ɗe umutse amma ishilembwe ya Daudu, inyora ya alifadjiri iwalao.»