2 MONYE 1:17 - Ha`bari Ndjema ya I Maore

¹⁷ Mana apara ha Mungu Ɓaɓa hishima na utukufu, wakati liji lamujilia ulawa ha Mwendza Utukufu Muhu, amba: «Unu ɗe uMwana muv̄endzewa wangu, tsena wami ujiv̄iwa halisi na waye.»

2 MONYE 1:17 ပူးပေါင်းရင်းမြစ်များ

MATIYO 12:18

«Tsunu murumishi wangu namutsahua, muv̄endzewa wangu, uwo umo wangu wajiv̄iwa na waye. Nitsohetsi Roho yangu ju lahe, na waye atsojudza ihaki ha zinishani.

MATIYO 17:3

Sa ile Musa na Eliya wav̄enuha mbeli zawo, wakolagua na waye.

MATIYO 17:5

V̄ale raha akorongoa trongo zile, ne v̄uwashukia vingu lakovaga, liwav̄ishidza. Na sa ile v̄ukilihana ji lalawa vinguni v̄ale, larongoa: «Unu ɗe uMwana muv̄endzewa wangu, tsena wami ujiv̄iwa halisi na waye; namumuvulishiye!»

MATIYO 28:19

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu,

MATIYO 3:17

Sa ile v̄ulawa ji mbinguni, lirongoa: «Unu ɗe uMwana muv̄endzewa wangu, tsena wami ujiv̄iwa halisi na waye.»

MARKUSI 1:11

Na v̄ale v̄ulawa ji mbinguni, lirongoa: «Wawe ɗe uMwana wangu muv̄endzewa; wami ujiv̄iwa halisi na wawe.»

MARKUSI 9:7

Wakati ule vingu liwav̄ishidza, na moni na vingu lile v̄ulawa ji, lirongoa: «Unu ɗe uMwana muv̄endzewa wangu; namumuvulishiye!»

LUKASI 10:22

Piya zitru tsiv̄olwazo na Ɓaɓangu. Kav̄u ajuao uutru wa uMwana neka tsi ɗe Ɓaɓa, ɓila ajuao uutru wa Ɓaɓa neka tsi ɗe uMwana, na yotsi uMwana atsahao amuv̄enuliyewo.»

LUKASI 3:22

na iRoho Ndzitwaharifu imushukia ha mufano wa shukuru. Amwesa v̄ulawa ji mbinguni, lirongoa: «Wawe ɗe uMwana wangu muv̄endzewa; wami ujiv̄iwa halisi na wawe.»

YUHANI 10:15

mauri ɗe inamuna Ɓaɓa anijuao, na wami nimujuao Ɓaɓa. Nisudzitoa fidia ha siɓaɓu ya maɓariɓari yangu.

YUHANI 10:36

Na wanyu musurongoa amba uwo Ɓaɓa amutwaharisha, amuv̄eleha ulemenguni, asumukufuru Mungu ha iv̄o narongoa: ‹Wami Mwana wa Mungu›.

YUHANI 14:11

Namuniamini amba tsa moni ha Ɓaɓa, na Ɓaɓa a moni hangu; neka tsi ɗe iyo, namuamini anga ha siɓaɓu ya zitrendro zizo.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 17:21

ile pare piyawo wake shitru moja, mauri ɗe wawe, Ɓaɓa, namuna ulio moni hangu, na namuna wami nilio moni haho, v̄av̄o wao wajau nawake hari mwa uv̄umoja watru, ile ulemengu uamini amba univ̄eleha.

YUHANI 20:17

Insa amuambia: «Usunisike, mana raha tsahea ha Ɓaɓangu. Ɓadi endra wapare wananyangu uwaambiye: ‹Nisuhea ha Ɓaɓangu, amma Ɓaɓanyu, ha Mungu wangu, amma Mungu wanyu.› »

YUHANI 3:35

Ɓaɓa uv̄endza uMwana, amwesa adhwaminisha piya zitrongo mihononi hahe.

YUHANI 5:20

Mana Ɓaɓa uv̄endza uMwana, na waye umuonesa kula trongo aifanyao. Tsena, atsomuonesa trongo ɓole rahana zini, pare muke hari mwa ushangavu.

YUHANI 5:26

Mana mauri ɗe inamuna Ɓaɓa aliona uhayati hahe monyewe, ɗe inamuna adjaãlia uMwana akane uhayati hahe monyewe,

YUHANI 6:27

Musudzishahilise na shahula muola, ɓadi namudzishahilise na shahula iv̄ao uhayati mukamilifu wa daima, shahula ilio amba uMwana wa Mwanadamu|Mwana wa Mwanadamu atsomuv̄aniyo, mana ɗe waye Ɓaɓa, yaãni Mungu, amukadza umuhuri wahe.»

YUHANI 6:37

Piya wao Ɓaɓa aniv̄aowo, watsonijilia, na wami tsitsotoa v̄ondze uwo anijiliao.

YUHANI 6:39

Na mav̄endzeleo ya Uwo aniv̄eleha, ɗe uka amba wami nisulatsishiwe na ata moja hari mwa piya wao aniv̄awo, ɓadi niwaregeze hayi isuku ya mwiso.

MAROMU 15:6

ile pare ha nia moja na ji moja mumutukuze Mungu, Ɓaɓa wa Raɓi watru Insa-Kristi.

2 MAKORINTIYO 1:3

Naɓarikishihe Mungu amma Ɓaɓa wa Raɓi watru Insa-Kristi, Ɓaɓa wa kula rehema amma Mungu wa kula mutrulidzio.

2 MAKORINTIYO 11:31

Mungu amma Ɓaɓa wa Raɓi Insa, natukuzihe daimani aɓada, asujua amba tsisurongoa trambo.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

2 YUHANI 1:3

Neema, urehema, na amani zilawao ha Mungu amma Ɓaɓa na ha Insa-Kristi, uMwana wa Ɓaɓa, zitsoka v̄umoja na wasi hari mwa ikweli na iuv̄endza.

YUDA 1:1

Wami Yuda, murumishi wa Insa-Kristi, tsena mwananyahe wa Yakoɓu, nisuangishia wao wahiriwa amma wav̄endzewa wa Mungu ne ɗe Ɓaɓa, tsena wahetsiwa amba wa Insa-Kristi: